«وليمپيادا ويىندارىنىڭ وتۋىنە قارسىمىز»: جاپونيادا حالىق ەرەۋىلگە شىقتى

جاپونيا استاناسىندا وليمپيادا ويىندارىنىڭ وتۋىنە قارسىلىق بىلدىرگەن حالىق ەرەۋىلگە شىقتى. 

«حابار 24» تەلەارناسىنىڭ مالىمەتىنشە، تۇرعىندار سپورتتىق شارادان كەيىن كوروناۆيرۋس ىندەتىنىڭ ۋشىعىپ كەتۋىنە الاڭداۋلى.

ۇلتتىق ستاديون الدىندا جينالعانداردىڭ سوزىنشە، پاندەميا كەزىندە جارىس وتكىزۋ ورىنسىز.

سونىمەن قاتار، نارازى توپ «وليمپيادانىڭ كەسىرى كەدەيلەرگە تيەدى» دەپ ۇرانداتتى.

ولاردىڭ ايتۋىنشا، قازىردىڭ وزىندە جاپونيا بيلىگى قازىنادان 15 ميلليارد 4 ميلليون دوللار قاراجات جۇمساعان.

ال حالىقارالىق وليمپيادا كوميتەتى بولسا تەلەكورسەتىلىم ارقىلى بۇل سوما وتەلىپ ميللياردتاعان كىرىس كەلەتىنىنە سەنىمدى.

«سوڭعى كەزدەرى وليمپيادا ويىندارىنا قارسى شىققانداردىڭ سانى ارتىپ بارادى. بۇعان ايماقتاعى ەپيدەميولوگيالىق احۋالدىڭ ۋشىعۋى سەبەپ. بۇل الاڭداداتىن جايت. سوندا دا شارانى توقتاتۋ مۇمكىن ەمەس سياقتى»، – دەيدى جەرگىلىكتى تۇرعىن كۋميكو سۋتو.

ۇقساس جاڭالىقتار

Back to top button