الەمدەگى ەڭ سۇيكىمدى يتتەر انىقتالدى

سۇيكىمدى يتتەر ءتىزىمىن اۆتراليالىق وۆچاركا باستايدى. باسقا يتتەردىڭ بويىنداعى بارلىق ۇيلەسىمدى اۆستراليالىق وۆچاركانىڭ بويىنان تابۋعا بولادى. جالپى اۆستراليادا ەڭ العاش اۋسسي ءيتىنىڭ تۇقىمى وسىرىلە باستاعان. اۋسسي ءيتىنىڭ نەگىزى وتانى – امەريكا. XIX عاسىردىڭ سوڭىندا اۋستراليالىق وۆچاركا امەريكاعا اۋستراليالىق قوي وتارىمەن بىرگە كەلدى.

Walt Disney كومپانياسىنىڭ فيلمدەرىندە يتتەر پايدا بولعاننان كەيىن تەك يت وسىرۋشىلەر عانا ەمەس، امەريكا تۇرعىندارى وسى تۇقىمداعى يتتەرگە قىزىعا باستادى.

ءاۋسسيدىڭ شىعۋ تەگى – شوپان ءيتى. باعىتىن جىلدامدىقپەن وزگەرەتە الاتىن قاسيەتكە يە. ءوزىنىڭ قوجايىنا ءاردايىم كومەكتەسۋگە دايىن تۇرادى. كولەمى مەن سالماعى جاعىنان ءىرى يتتەرگە جاقىن.

اۋسسي ءيتىنىڭ ارتقى اياقتارىندا ءتۇرلى-تۇستەگى ەرەكشەلىك ەرەكشە نازار اۋدارتادى.

اعىلشىندىق كوكەر-سپانيەل

ۇلكەن قۇلاقتارى مەن مۇڭعا تولى كوزقاراسى اعىلشىن كوكەر-سپانيەل مىنەزىمەن جاڭىلىستىرادى. جاقىننان تانىسقاننان كەيىن بۇل ءيتتىڭ بويىنداعى جىگەرىلىك پەن ادەمىلىك سىندى باسقا دا قىرلاردى بايقاۋعا بولادى. كوكەر-سپانەل اڭشىلىق تۇقىم بولعانىنا قاراماستان، قالالىق پاتەردە ءوزىن جايلى سەزىنەدى. اۋا رايى مەن كوڭىل-كۇيگە قاراماستان يەسىمەن سىرتقا شىعىپ سەرۋەندەۋدى قاجەت ەتەدى. ايتپەسە، ولار تەز سالماق جينايدى. ەگەر ۇيدەگىلەر يتكە كوڭىل بولمەسە، اۋىرىپ قالۋى دا مۇمكىن. جاراتىلىسى وتە نازىك ءيتتى جالعىز قالدىرۋعا بولمايدى.

توسىن وقيعالارعا دەگەن قۇشتارلىق – كوكەر ءيتىنىڭ باستى ەرەكشەلىگى. ادامدارمەن قارىم – قاتىناستا يەسىن ءبىرىنشى ورىنعا قويادى. كوڭىل كوتەرگەندى جانە بالالارمەن ويناعاندى جاقسى كورەدى. بىراق، ولاردىڭ تاراپىنان تىم كوڭىل بولگەندى ۇناتپايدى.

اكيتا-ينۋ

اكيتا-ينۋ جاپوندىق يت. دەنە ءبىتىمى شاعىن بۇلشىقەتتى، بايسالدى مىنەزى بار ءيتتىڭ سۇلۋلىعى مەن ادالدىعىن بىردەن اڭعارۋعا بولادى. ادامدارمەن قارىم-قاتىناستا وتە ادال. ۇلكەن وتباسىندا تۇراتىن يتتەر يەسىنە جاناشىر. ال ۇيدەگى باسقا ادامدارعا تەز باۋىر باسادى. بىراق ولار ءوزىن قۇرمەتتەمەگەن جاعدايدا اگرەسسيامەن جاۋاپ بەرۋى دە مۇمكىن. سوندىقتان اكيتا-ينۋ تۇقىمىن اسىرايىمىن دەۋشىلەر وتە مۇقيات بولعان ءجون.

بوبتەيل

ۇلىبريتانيادان شىققان شوپان ءيتتىڭ قوقيعان قالىڭ ءجۇنى جۇگىرۋگە ەش كەدەرگى كەلتىرمەيدى. باستاپقىدا ول شارۋاشىلىق ماقساتتا ءوسىرىلدى. كەيىننەن وتباسىلىق يت رەتىندە قابىلدانىپ، كوڭىل بولە باستاعان. ايۋ سياقتى جۇرەتىن ءۇي جانۋارىنىڭ ءار ءتۇرلى تالانتى بار: ول جەتەلەۋشى جانە ادال. ول تانىسۋدىڭ العاشقى مينۋتتارىنان-اق وزىنە تارتادى. ءتىپتى، بۇل ءيتتى اۋرۋشاڭ بالالاردى ەمدەۋ ءۇشىن قولدانادى. كىشكەنتاي بالالارمەن قالدىرعان قاۋىپسىز.  كوڭىل-كۇيىڭىز بولماسا، بوبتەيل ءۇشىن بۇل بىرنەشە مينۋتتىق ماسەلە. سىرتقى ءتۇرى ەرەكشە جانە كوڭىلدى مىنەزى بار بوبتەيل كەز كەلگەن ورتادا «جۇلدىز» بولا الادى. بوبتەيلدىڭ ىشكى الەمى كۇشىك سياقتى بولىپ قالا بەرەدى. الەمدەگى ەڭ ادەمى جانە سۇيكىمدى يت تۇقىمدارىنىڭ بىرىنە جاتقىزۋ كەزدەيسوقتىق ەمەس.

بۇل سۇيكىمدى يتتەر ادالدىق پەن دوستىقتىڭ ۇلگىسى بولىپ قالادى. ەگەر ءۇي يەسى جوعالىپ كەتسە، قاتتى قايعىرادى. سونىمەن قاتار، وتباسى مۇشەلەرىنە قۇرمەتسىزدىك پەن دورەكىلىك تانىتسا، وعان توزبەيدى.

 

قىزعالداق ومار

ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى

ساياساتتانۋ جانە جۋرناليستيكا فاكۋلتەتىنىڭ 4-كۋرس ستۋدەنتى

ۇقساس جاڭالىقتار

Back to top button