سامال ەسلياموۆا مەن سەرگەي دۆورتسەۆوي «مəدەنيەت سالاسىنىڭ ۇزدىگى» توسبەلگىسىمەن ماراپاتتالدى

قر مادەنيەت جانە سپورت ءمينيسترى اقتوتى رايىمقۇلوۆا نۇر-سۇلتان قالاسى اكىمدىگىنىڭ مۋزىكالىق جاس كورەرمەن تەاترىندا بولىپ «اباي-توعجان» مۋزىكالىق دراماسىن تاماشالادى.

«اباي-توعجان» مۋزىكالىق دراماسى ادامزات تاريحىنداعى ءبىرتۋار تۇلعالاردىڭ بولمىس-بىتىمىندەگى جاسامپاز رۋح – بالالىق شاقتان باستاۋ الاتىن، جاس ۇرپاقتىڭ دۇنيە تانىمىنا، جان دۇنيەسىنە، رۋحاني بولمىسىنىڭ قالىپتاسۋىنا اسەر ەتەتىن اباي عۇمىرىنىڭ بوزبالا كەزەڭىن ارقاۋ ەتەدى. اتالعان قويىلىمدا قازاقستاننىڭ ەڭبەك سىڭىرگەن قايراتكەرى سامال ەسلياموۆا جاس ابايدىڭ اناسى ۇلجاننىڭ ءرولىن سومدادى.

سپەكتاكلدەن كەيىن العاشقى بولىپ ءسوز تىزگىنىن العان مينيستر اقتوتى راحمەتوللاقىزى قازاق ساحناسىنا جاڭا جاس تەاتر كەلگەنىن، جاس بولسا دا، تالانتتى اكتەر، اكتريسالاردىڭ ونەرىنە ءتانتى بولعانىن جەتكىزدى. سونىمەن قاتار، تەاتر ءبىر ادامنىڭ ەڭبەگى ەمەس، بارلىق ۇجىمنىڭ ەڭبەگى ەكەنىن، ەندى وسى مۋزىكالىق جاس كورەرمەن تەاترىنىڭ تۇراقتى كورەرمەنى بولاتىنىن، اتالعان تەاتردىڭ بولاشاعى جارقىن بولاتىنىنا سەنىمدى ەكەنىن ايتتى.

مينيستر مۋزىكالىق جاس كورەرمەن تەاترىنىڭ اكتريساسى سامال ەسلياموۆانىڭ قورجىنى كەزەكتى ماراپاتپەن تولىققانىن اتاپ ءوتىپ، رەسەي كينەماتوگرافيا ونەرى اكادەمياسىنىڭ «نيكا» جۇلدەسىن تابىستاپ، بىلاي دەپ قۇتتىقتادى: – « قۇرمەتتى سامال ىلياسقىزى! ءسىزدى بۇگىنگى ماراپاتتارىڭىزبەن شىن جۇرەكتەن قۇتتىقتايمىن! 2018 جىلى كورەرمەنگە جول تارتقان «ايكا» ءفيلمى كوپشىلىك پەن كينوگەرلەر تاراپىنان جوعارى باعالانىپ كەلە جاتقانىنا قۋانىشتىمىن. راسىندا بۇل تۋىندى كەيىپكەر ومىردەگى كۇردەلى ساتتەر ارقىلى بىزگە وي سالىپ، جىگەرلەندىرەدى. تالايلى تاعدىر يەسىنىڭ جاعدايى كورگەن جاندى تولعاندىرادى. جان دۇنيەسىن ءبىر ىسىتىپ، ءبىر سۋىتىپ، الەۋمەتتىك ماسەلەلەردىڭ وزەكتىلىگىن جۇرەككە جەتكىزەدى. كينو الەمىندە كەڭىنەن تانىلعان كانن كينوفەستيۆالىنەن كەيىن وسى «نيكا» جۇلدەسىندەگى «ۇزدىك ايەل ءرولى» نوميناتسياسىنداعى جەڭىس ءسىزدىڭ بۇدان دا بيىك بەلەستەرگە باستاي بەرۋىنە تىلەكتەسپىن. لايىم تالعامپاز كورەرمەندى نەمقۇرايدى، جايباراقات قالدىرمايتىن فيلمدەرىڭىز بەن وبرازدارىڭىزدىڭ قاتارى ارتا بەرسىن! سىزدەرگە زور دەنسايلىق، تولايىم تابىس پەن شىعارماشىلىق شابىت تىلەيمىن!» – دەپ، مينيستر «نيكا» جۇلدەسىن تابىستادى.

سونىمەن قاتار، مينيستر اقتوتى راحمەتوللاقىزى تەاترىمىزدىڭ جەتەكشى اكتريساسى سامال ەسلياموۆا مەن بىرگە «ايكا» جانە «تيۋلپان» ءفيلمىن عانا ەمەس، بارشا قازاق ونەرىن سامالدىڭ جەڭىسى دە الەمگە تانىلۋىنا سەبەپكەر بولعان رەجيسسەردىڭ دە ۇلكەن جۇمىسى ەكەنىن اتاپ ءوتىپ، ۇلان عايىر رەجيسسەرلىك ەڭبەگىنە ودان دا جوعارى شىعارماشىلىق تابىستار تىلەپ، رەسەيلىك رەجيسسەر سەرگەي دۆورتسەۆويعا «مəدەنيەت سالاسىنىڭ ۇزدىگى» توسبەلگىسىمەن ماراپاتتادى.

نۇر-سۇلتان قالاسى مادەنيەت باسقارماسىنىڭ باسشىسى نۇرلان ءالىمجانوۆ مينيستر اقتوتى رايىمقۇلوۆاعا التىن ۋاقىتىن ءبولىپ كەلگەنىنە العىس ايتىپ، جاس تەاترعا كەلىپ ىزگى نيەتىن ءبىلدىرىپ، جاس ارتيستەرگە اق باتاسىن بەرىپ، قولداعانى ءۇشىن راحمەتىن جەتكىزىپ، ءوزىنىڭ دە جاس ارتيستەردىڭ ونەرىنە ءتانتى بولعانىن بىلاي جەتكىزدى: «جاس تا بولسا، كوزدەرىندە وتى بار، جانى بار، كەرەمەتتەي قانى بار ونەرلى باۋىرلارىمىزدىڭ، قارىنداستارىمىزدىڭ باسىن قوسىپ اشىپ جاتقان تەاتردىڭ ديرەكتورى، ەلىمىزگە تانىمال تەاتر رەجيسسەرى اسحات ماكسيم ۇلىنا العىسىمدى بىلدىرەمىن. ءتىرى داۋىس، دومبىرا، قىل قوبىز، ۇرمەلى اسپاپتاردىڭ ءتىرى ۇندەرىن تەك قانا ءتىرى دۇنيەنى بىزگە كورسەتىپ جاتقان جالىندى جاستارىمىزدىڭ بارى ءبىزدى قۋانتادى!» – دەپ، باسقارما باسشىسى نۇرلان بايانعالي ۇلى ءوزىنىڭ شىن قۋانىشىمەن ءبولىستى.

شارا سوڭىندا مۋزىكالىق جاس كورەرمەن تەاترىنىڭ ديرەكتورى، اسحات ماەميروۆ الدا كەلە جاتقان 7 مامىر – وتان قورعاۋشىلار كۇنىمەن، 9 مامىر -جەڭىس كۇنى قۇتتىقتاپ، كەلگەن قوناقتارعا العىسىن ءبىلدى.

«قۇرمەتتى اقتوتى راحمەتوللاقىزى سىزگە كوپ-كوپ راحمەت! ءبىزدىڭ ءبىر مارتەبەمىزدى كوتەرىپ تاستادىڭىز. تەاترىمىزدىڭ جەتەكشى اكتريساسى سامال ەسلياموۆا حانىمنىڭ جاقىندا جەڭىپ العان كەزەكتى «نيكا» جۇلدەسىن ءوز قولىڭىزبەن تابىستاپ «مəدەنيەت سالاسىنىڭ ۇزدىگى» مەدالىمەن ماراپاتتاپ جاتىرسىز. بۇيىرتسا ون شاقتى كۇننەن كەيىن ۇلكەن مەرەكە «مادەنيەت قىزمەتكەرلەرى كۇنى» كەلە جاتىر. بۇگىنگى كۇندى سونىڭ باستاۋى دەپ بىلەيىك. ەلدىڭ رۋحىن كوتەرەتىن – مادەنيەت ەكەنىن ءبىز جاقسى بىلەمىز. سوندىقتان، بارلىق حالقىمىز الەمدى جاۋلاعان ىنەدەتتەن امان بولىپ، ەكپەسىن الىپ، ەمىن-ەركىن ءان كەشتەرىنە، جىر كەشتەرىنە، تەاترداعى سپەكتاكلدەرگە كەلىپ جۇرسە، مەن ويلايمىن ءبىزدىڭ ەلىمىزدىڭ ەلدىگى دە رۋحى دا بيىك بولادى دەپ! جاقسى كۇندەردە كەزدەسەيىك!» – دەدى، تەاتر ديرەكتورى اسحات ماكسيم ۇلى.

سونداي-اق، قازاقستاننىڭ ەڭبەك ءارتىسى باعدات سامەدەنوۆا، قازاقستاننىڭ ەڭبەك سىڭىرگەن قايراتكەرلەرى سۆەتلانا ايتباەۆا مەن دينا حامزينا كەش قوناعى بولدى.

سامال ەسلياموۆا مەن سەرگەي دۆورتسەۆوي «مəدەنيەت سالاسىنىڭ ۇزدىگى» توسبەلگىسىمەن ماراپاتتالدى سامال ەسلياموۆا مەن سەرگەي دۆورتسەۆوي «مəدەنيەت سالاسىنىڭ ۇزدىگى» توسبەلگىسىمەن ماراپاتتالدى سامال ەسلياموۆا مەن سەرگەي دۆورتسەۆوي «مəدەنيەت سالاسىنىڭ ۇزدىگى» توسبەلگىسىمەن ماراپاتتالدى

Back to top button