جىگىتى كوبەيتۋ كەستەسىن بىلمەگەنى ءۇشىن تۇرمىسقا شىعۋدان باس تارتتى

ءۇندىستاندا كۇيەۋ جىگىت كوبەيتۋ كەستەسىن بىلمەگەنى ءۇشىن قالىڭدىق وعان تۇرمىسقا شىعۋدان باس تارتتى.

نەكە قيۋ سالتاناتى 1 مامىر كۇنى ۋتتار-پرادەش شتاتىندا ءوتۋى كەرەك بولعان. قالىڭدىق كۇيەۋ جىگىتتىڭ بىلىمىنە كۇماندانىپ، 1-دەن 9-عا دەيىنگى سانداردى 2-گە كوبەيتۋىن سۇرايدى. سانداردى كوبەيتە الماعانىن كورگەن قالىڭدىق وعان تۇرمىسقا شىعۋدان باس تارتقان.

«كۇيەۋ جىگىتتىڭ وتباسى ونىڭ ءبىلىمى تۋرالى بىزدەن جاسىردى. ول ءتىپتى مەكتەپكە بارماعان بولۋى دا مۇمكىن»، – دەيدى قالىڭدىقتىڭ نەمەرە اعاسى. ول قارىنداسىنىڭ بۇل ارەكەتىن ماقتان ەتەتىنىن جەتكىزدى.

ەكى جاق تويدىڭ قارساڭىندا ءبىر-بىرىنە جاساعان سىيلىقتارى مەن زەرگەرلىك بۇيىمدارىن قايتارىپ بەرۋ تۋرالى كەلىسكەن.

وسىعان دەيىن دە ۋتتار-پرادەش شتاتىنىڭ بيدجنور قالاسىندا قالىڭدىق تويعا كەشىككەن كۇيەۋ جىگىتتى كۇتپەي، باسقا جىگىتكە تۇرمىسقا شىققان بولاتىن. قالىڭدىق پەن كۇيەۋ جىگىتتىڭ وتباسى اراسىندا وسىعان دەيىن دە كەلىسپەۋشىلىكتەر ءجيى ورىن العان كورىنەدى، ال جىگىتتىڭ ءوز تويىنا كەشىگۋى قالىڭدىقتىڭ سوڭعى ءتوزىمىن تاۋىسقان.

ۇقساس جاڭالىقتار

Back to top button