گرۋزيادا قايتىس بولعان قازاقستاندىق قىزدىڭ ءولىمى تۋرالى مارقۇمنىڭ اپكەسى ايتىپ بەردى

26 جاستاعى قازاقستاندىق اسەل ايتباەۆانىڭ گرۋزيادا قايتىس بولعانى جايلى مالىمەت قوعامدا ۇلكەن رەزونانس تۋدىردى. مارقۇمنىڭ اپكەسى بولعان وقيعانىڭ كۇدىكتى تۇستارى تۋرالى ايتىپ بەردى.

ەكسپرەسس ك باسىلىمىنا بەرگەن سۇحباتىندا مارقۇمنىڭ تۋىسى اسەل گرۋزياعا كەتكەنگە دەيىن ونىمەن بىرگە نۇر-سۇلتان قالاسىندا تۇرعانىن ايتادى. قىزعا الىس تۋىستارى گرۋزياعا بارۋدى ۇسىندى.

قازاقستاندا اسەل فيتنەس-كلۋبتا اكىمشى بولىپ جۇمىس ىستەدى. گرۋزيادا وعان تمد ەلدەرىنە شەتەلدىك اۆتوكولىكتەردى الىپ-ساتۋمەن اينالىساتىن كومپانيادا جۇمىس ىستەۋ ۇسىنىلدى.

«اسەل قۇجاتتارمەن جۇمىس ىستەۋى كەرەك بولدى، سىزاتتاردى جانە باسقا دا اقاۋلاردى باقىلاپ وتىرۋى، ولاردى كومپيۋتەرگە ەنگىزۋى قاجەت ەدى. وعان 10.00-دەن 17.00-گە دەيىن جۇمىس جانە 500 دوللار جالاقى ۋادە ەتىلدى. ءسىڭىلىم شەتەلگە كەتۋدى ارماندادى، سوندىقتان قۋانا-قۋانا كەلىستى» – دەيدى تۋىسى اينا ايتباەۆا.

ايتۋىنشا، اسەل اڭگىمەلەسۋدى ۆيدەوقوڭىراۋ ارقىلى وتكەن، سودان سوڭ وعان جينالا بەرۋ قاجەت ەكەنى ايتىلعان. الايدا قازاقستاندىق پاسپورتتىڭ قولدانىلۋ مەرزىمى تامىز ايىندا اياقتالىپ، ونىڭ گرۋزياعا ساپارى كەيىنگە قالۋى مۇمكىن ەدى. بۇل تۋرالى بىلگەننەن كەيىن، جۇمىس بەرۋشى —  نەمەرە اپكەسىنىڭ كۇيەۋى وعان تەزدەتۋدى سۇرادى، ءتىپتى پاسپورتىن شۇعىل وزگەرتۋگە، پتر-تەستىلەۋدەن ءوتىپ، بيلەتتەر ساتىپ الۋ ءۇشىن اقشا جىبەرگەن.

اينا مۇنداي اسىعىستىق ونى ونى الاڭداتقانىن ايتادى.

«ول ءبىر-ەكى كۇندە جينالىپ، 27 ساۋىردە ۇشىپ كەتتى. رۋستاۆي قالاسىندا ونى جۇمىسقا قابىلداعان تۋىسىنىڭ ۇيىندە قالعان. ودان باسقا، پاتەردە ونىڭ قازاقستاننان كەلگەن بيزنەس سەرىكتەسى تۇرعان، سونداي-اق، بەسو ەسىمدى گرۋزين تۇردى. بىرنەشە كۇننەن كەيىن اسەل ماعان قوڭىراۋ شالىپ، تبيليسيدە جالعا العان پاتەرىن كورسەتتى. مەنىڭ تاڭعالعانىم، بۇل پاتەر رۋستاۆيدەگى جۇمىسىنان وتە الىس ەدى. ول وعان جۇرگىزۋشىسى بار كولىك بەرىلەتىنىن ايتتى»، – دەيدى ول.

اسەل اندا-ساندا دوستارىمەن جانە تۋىستارىمەن بايلانىسقا شىعىپ، شەتەلدەگى ورتاسى تۋرالى ايتىپ جۇرگەن. الايدا 5 مامىرعا قاراعان ءتۇنى قىز ءوزىنىڭ ەڭ جاقىن قۇربىسىنا Telegram ارقىلى بەسومەن بولعان اڭگىمەسىنىڭ دىبىستىق جازباسىن جىبەردى.

ولاردىڭ اڭگىمەسىنەن تۋىسىنىڭ كۇيەۋى ونى زورلاپ، سودان كەيىن گرۋزينگە ساتقانى ايتىلادى.

سونداي-اق، قازاقستاندىق قىز قۇربىسىنا بەسودان قورقاتىنىن جانە ول ءوزىن ۇرعانىن جازدى. كەلەسى كۇنى تاڭەرتەڭ قىزدىڭ قايتىس بولعانى بەلگىلى بولدى. الدىن الا بولجام بويىنشا، ول تەرەزەدەن قۇلاپ كەتكەن.

«ونى قۇلاتىپ جىبەردى مە نەمەسە ول ءوزى سول جەردەن سەكىرىپ كەتتى مە، بەلگىسىز. بەلگىلى بولعانداي، وعان قاۋىپ توندىرگەن ادامدى گرۋزيا پوليتسياسى ءوز-وزىنە قول جۇمساۋعا دەيىن جەتكىزگەنى دەگەن كۇدىكپەن ۇستادى»، – دەيدى اينا.

ايتابەۆتار وتباسى گرۋزياعا بارىپ، قىزىنىڭ دەنەسىن اكەلۋ ءۇشىن كوپشىلىكتەن اقشا جيناي باستادى. تۋىستارى سوت-مەديتسينالىق ساراپتاما جۇرگىزىلگەنگە دەيىن بارىپ ۇلگەرگىسى كەلەدى.

ۇقساس جاڭالىقتار

Back to top button