"قايدا قۇلايتىنى بەلگىسىز". جەرگە 22 توننالىق زىمىران جاقىنداپ كەلەدى

باقىلاۋدان شىعىپ كەتكەن قىتايلىق Long March 5B اۋىر زىمىران تاسىعىشى الداعى دەمالىس كۇندەرى (8-9 مامىر) اتموسفەراعا ءوتىپ، جەرگە قۇلاۋى مۇمكىن، – دەپ حابارلايدى Liter.kz BBC-گە سىلتەمە جاساي وتىرىپ. 

ەڭ قىزىعى، بۇل زىمىراننىڭ ناقتى قاي جەرگە قۇلاۋى مۇمكىن ەكەنىن ەشكىم بىلمەيدى.

گارۆارد ۋنيۆەرسيتەتىنىڭ استروفيزيكا ورتالىعىنىڭ عالىمى دجوناتان ماكداۋەلل زىمىران 8-10 مامىر ارالىعىندا اتموسفەراعا ءوتىپ، وسى ۋاقىت ىشىندە الەم بويىنشا 30 رەت ساياحات جاسايدى دەپ مالىمدەدى.

29 ساۋىردە قىتاي ءوزىنىڭ بولاشاق عارىش ستانتسياسىنىڭ نەگىزگى ءمودۋلىن Long March 5B اۋىر زىمىران تاسىعىشىمەن («چانچجەن-5ۆ») وربيتاعا جونەلتكەن بولاتىن.

ساراپشىلار زىمىران قالدىقتارى ەلدى مەكەندەرگە ءتۇسىپ، ادامداردىڭ ومىرىنە قاۋىپ ءتوندىرۋى مۇمكىن دەپ الاڭداپ وتىر.

ۇقساس جاڭالىقتار

Back to top button