قورعانىس مينيسترلىگى ەرەكشە كوزگە تۇسكەن وتان قورعاۋشىلاردى ماراپاتتادى

وتان قورعاۋشىلار كۇنىنە وراي پرەزيدەنتتىڭ جارلىعىمەن قارۋلى كۇشتەردىڭ 23 وكىلى مەملەكەتتىك ناگراداعا يە بولدى. ەرەكشە كوزگە تۇسكەن اسكەري قىزمەتكەرلەرگە قورعانىس مينيسترلىگىندە دە قۇرمەت كورسەتىلدى. ۇزدىكتەر مەرزىمىنەن بۇرىن اسكەري اتاقتار الدى، دەپ حابارلايدى «حابار 24».

قورعانىس ءمينيسترى نۇرلان ەرمەكباەۆ باستاعان اسكەري قىزمەتشىلەر قىزمەتتىك بورىشىن ورىنداۋ كەزىندە قازا تاپقان باتىرلاردىڭ ەسىمدەرىن ەسكە الىپ، «ماڭگى ەسىمىزدە» مونۋمەنتىنە گۇل شوقتارىن قويدى.

قورعانىس ءمينيسترى گەنەرال-لەيتەنانت نۇرلان ەرمەكباەۆ قازاقستان قارۋلى كۇشتەرىنىڭ جەكە قۇرامىن وتان قورعاۋشىلار كۇنىمەن جانە الداعى جەڭىس كۇنىمەن قۇتتىقتادى. ەرەكشە كوزگە تۇسكەن قىزمەتكەرلەرگە سالتاناتتى جينالىستا مەملەكەتتىك ناگرادالار تابىس ەتىلدى، بىرقاتار اسكەري قىزمەتشىلەر مەرزىمىنەن بۇرىن اسكەري اتاقتار الدى.

كەشە پرەزيدەنتتىڭ جارلىعىمەن 23 اسكەري قىزمەتشى مەملەكەتتىك ناگراداعا يە بولدى. تاعى جەتى وفيتسەرگە جوعارعى باس قولباسشى باس پوگونداردى تاپسىردى. بۇل بارلىق جەكە قۇرامنىڭ قىزمەتىن جوعارى باعالاۋ، دەپ اتاپ ءوتتى نۇرلان ەرمەكباەۆ.

ۇقساس جاڭالىقتار

Back to top button