19 جاسار تاكسيستى ءولتىرىپ كەتكەندەر ۇستالدى

«اقمولا وبلىسىندا 19 جاسار تاكسيستى ءولتىرىپ كەتكەن ەكى جاس ادام ۇستالدى»، − دەپ حابارلايدى «كازينفورم» ءتىلشىسى.

وسى جىلدىڭ 4 مامىرىندا كۇندىزگى ساعات 16.17-دە بۋراباي اۋدانى پوليتسيا بولىمىنە 46 جاستاعى ششۋچينسك قالاسىنىڭ تۇرعىنىنان 19 جاستاعى بالاسىنىڭ جوعالىپ كەتۋىنە بايلانىستى ىزدەۋ قاجەتتى تۋرالى ارىز تۇسكەن. ونىڭ ايتۋىنشا، بالاسى 3 مامىر كۇنى كەشكى ساعات 21.00 شاماسىندا قارا ءتۇستى «مەرسەدەس-180» كولىگىمەن ۇيىنەن شىعىپ كەتىپ، سودان كەيىن بايلانىسقا شىقپاعان.

اتالعان فاكتى بويىنشا پوليتسيا ءبولىمى جەكە قۇرامىنىڭ جەدەل-ىزدەستىرۋ شارالارى بارىسىندا جوعالىپ كەتكەن ازاماتتىڭ ماشيناسى ششۋچينسك قالاسىنداعى ۇيلەردىڭ بىرىنەن تابىلعان.

بۋراباي اۋداندىق پوليتسيا ءبولىمىنىڭ قىزمەتكەرلەرى وبلىستىق پوليتسيا دەپارتامەنتىنىڭ قىزمەتكەرلەرىمەن بىرلەسىپ، قىلمىس جاساعانى ءۇشىن اۋداننىڭ 20 جانە 22 جاستاعى ەكى تۇرعىنىن ۇستاعان. ولار جاساعان قىلمىسىن مويىنداپ، جابىرلەنۋشىنىڭ دەنەسىن قاي جەرگە جاسىرعانىن ەكەنىن كورسەتكەن.

قايتىس بولعان جىگىت بوس ۋاقىتىندا ادام تاسۋمەن اينالىسقان، ال كۇدىكتىلەر جىگىتتى «يندرايۆەر» قوسىمشاسى ارقىلى شاقىرعان.

بەيرەسمي اقپارات كوزدەرى تاراتقان مالىمەتتە تاكسي جۇرگىزگەن جىگىت ماس جىگىتتەردى ايتقان جەرىنە جەتكىزۋدەن باس تارتقان، ال ولار كەلىسپەگەنى ءۇشىن 19 جاستاعى جىگىتتى قاتالدىقپەن ولتىرگەن.

ۇقساس جاڭالىقتار

Back to top button