«قازپوشتا» ونلاين ساۋدا نارىعىن دامىتىپ جاتىر

«قازپوشتا» بيىلعى جىلدىڭ العاشقى توقسانىندا 4 ميلليونعا جۋىق سالەمدەمە جەتكىزگەن. كومپانيانىڭ جۇمىسى، پاندەميا كەزىندە دە توقتاعان جوق. ۇلتتىق پوشتا وپەراتورىنىڭ ارقاسىندا 140-قا جۋىق مەملەكەت قازاقستانمەن ەش كەدەرگىسىز حات-حابار الماسادى.

سونىمەن قاتار، قازپوشتا ەلەكتروندى ساۋدانى دامىتاتىن وتاندىق كاسىپكەرلەرگە دە بەلسەندى قولداۋ كورسەتىپ كەلەدى. بۇل يگى ءىس تۋرالى تولىعىراق كەلەسى ماتەريالدا. استانالىق دانيار اقنازاروۆ مۋزىكاعا بالا كەزىنەن اۋەس. ۋاقىت وتە كەلە بۇل ءىس ونىڭ حوببيىنە اينالدى. قازىر ول ۆينيل تاباقشالارىن جيناۋعا كوشتى. تالعامپاز جىگىتتىڭ كوللەكتسياسىنداعى پلاستينكالار قازىردىڭ وزىندە 20-دان استى. بۇل كۇيتاباقتاردىڭ كوبىسىن ول ۇلتتىق وپەراتور ارقىلى تاپسىرىس بەرىپ الدىرتقان ەكەن.

دانيار اقنازاروۆ،  نۇر-سۇلتان قالاسىنىڭ تۇرعىنى:

مۇنداي كۇيتاباقتار وتە نازىك، قاتتى ۇرلەپ قالساڭ دا ب ۇلىنەدى. بىراق تىعىز ورالىپ، قوراپقا مۇقيات سالىنعانىن كورگەندە وعان سۋ تيمەيتىنىن، ەش زاقىمدانباعانىن تۇسىنەسىڭ. ۇيگە كەلگەسىن، وسى قوراپتى اشىپ، ءۆينيلدىڭ ءبۇتىن ەكەنىنە كوز جەتكىزگەندە ارقامنان جۇك تۇسكەندەي جەڭىلدەپ قالامىن. وسىنداي جاۋاپتى ءىستى مۇلتىكسىز اتقاراتىن قازپوشتاعا ۇلكەن سەنىم قالىپتاستى. دانيار پوشتانى ءۇيدىڭ قاسىنداعى سالەمدەمە سۋپەرماركەتىنەن الادى. تاپسىرىسىنىڭ قاي جەردە كەلە جاتقانىن post.kz ارنايى قوسىمشاسى ارقىلى باقىلايدى. بۇگىندە «قازپوشتا» كليەنتتەرى سالەمدەمەنى ۇيگە جەتكىزۋگە تاپسىرىس بەرە الادى. «GoPost Home» قىزمەتى نۇر-سۇلتان، الماتى مەن شىمكەنت قالالارى تۇرعىندارىنىڭ قولىن ۇزارتتى. ال 6-مامىردان باستاپ، بارلىق ءوڭىر تۇرعىندارى وسى قىزمەتتى پايدالانا الادى. بۇل ءۇشىن قازپوشتانىڭ Telegram-بوتىن قولدانسا جەتكىلىكتى. پاندەميا كەزىندە ەنگىزىلگەن وسى جاڭا قىزمەتتىڭ ارقاسىندا كليەنتتەرگە ەندى پوشتا بولىمشەلەرىنە بارۋ قاجەتتىلىگى ازايدى.

نۇرقانات نۇراقىنوۆ، «قازپوشتا» اق تاۋەكەلدەر مەن كومپلاەنس جونىندەگى باسقارۋشى ديرەكتورى:

قازىرگى پاندەميا جاعدايىندا تۇتىنۋشىلاردىڭ داعدىسى وزگەرگەنىن بايقاپ وتىرمىز. ە-commerce-ءتىڭ ۇلەسى ارتىپ، online-سەرۆيستەر بەلسەندى دامي باستادى. قازپوشتا بۇل تەندەنتسيالارعا سايكەس ەلەكتروندىق ساۋدا الاڭدارىمەن بايلانىس ورناتتى، سونىمەن بىرگە ءوزىمىزدىڭ تولەم كارتالارىمىزدى شىعارامىز. ونىڭ ىشىندە ۆيرتۋالدى كارتالار دا ءبىزدىڭ تۇرعىندارعا ۇسىنىلادى. وسىلايشا ءبىزدىڭ كليەنتتەرىمىزگە ىڭعايلى جاعداي جاساۋ ءۇشىن ءوزىمىزدىڭ ەكوجۇيەمىزدى قۇرىپ، قىزمەتتەردىڭ تولىق سپەكترىن ۇسىنىپ وتىرمىز. كومپانيا بىلتىر ءوز تۇتىنۋشىلارىنا 15 ميلليونعا جۋىق حالىقارالىق جانە وتاندىق پوشتا جونەلتىلىمدەرىن جەتكىزىپتى. جوعالعان سالەمدەمەلەردىڭ سانى 400-دەن اسپايدى. بۇل – تەڭىزگە تامعان تامشىداي. زكت: جالپى قازپوشتانىڭ ارقاسىندا ەلىمىزدىڭ ەلەكتروندى ساۋدا نارىعىندا 3 مىڭنان استام حالىقارالىق ينتەرنەت-دۇكەندەردى بىرىكتىرگەن كەشبەك-سەرۆيس ىسكە قوسىلدى. مىسالى، post.kz سايتى ارقىلى ونلاين-شوپپينگ جاساساڭىز جۇمساعان اقشاڭىزدىڭ 20%-ىن كەشبەك-سەرۆيسى ارقىلى قايتارىپ الا الاسىز. ال 2% كەشبەكتى قازپوشتانىڭ ءوزى قوسادى. بۇل ءۇشىن ۆيرتۋالدى كارتانى ونلاين اشساڭىز جەتكىلىكتى. جينالعان كەشبەكتى باسقا تاۋار الۋعا جۇمساۋعا نەمەسە قولما-قول اقشاعا اينالدىرۋعا بولادى.

Back to top button