الەكسەي تسوي ۆاكتسينانىڭ ەكىنشى كومپونەنتىن الۋ مەرزىمى نەلىكتەن ۇزارتىلعانىن ءتۇسىندىردى

دەنساۋلىق ساقتاۋ ءمينيسترى الەكسەي تسوي «سپۋتنيك V» ەكىنشى كومپونەنتىن الۋ مەرزىمى نەلىكتەن ۇزارتىلعانىن ءتۇسىندىردى، دەپ حابارلايدى Sputnik قازاقستان.

«بىزگە ۆاكتسينانى ازىرلەگەن گامالەيا اتىنداعى ورتالىقتان حات كەلدى. وندا «سپۋتنيك V» ۆاكتسيناسىنىڭ ءبىرىنشى جانە ەكىنشى كومپونەنتى اراسىنداعى ينتەرۆالدى 21 كۇننەن 90 كۇنگە دەيىن سوزۋعا بولاتىنى جازىلعان. حاتتا، سونداي-اق، ينتەرۆالدىڭ ۇلعايۋى يممۋندىق جاۋاپتىڭ كۇشىنە اسەر ەتپەيتىنى، كەيدە ءتىپتى كۇشەيۋىنە جانە ۇزاق ساقتالۋىنا اكەلەتىنى كورسەتىلگەن. وسى قۇجات نەگىزىندە ءبىز باس سانيتار دارىگەردىڭ قاۋلىسىنا وزگەرىس ەنگىزدىك»، – دەدى تسوي بريفينگتە.

دەسە دە، ايتۋىنشا، ەگەر قاجەتتىلىك بولسا، قازاقستاندىقتار ەكىنشى دوزانى 21 كۇننەن كەيىن سالدىرا الادى. ول ءۇشىن الدىن الا ءوتىنىش جازۋ كەرەك.

«ء;بىرىنشى كومپونەنت – نەگىزگى، بىزگە قاجەتتى يممۋنيتەتتى بەرەدى. ەكىنشىسى يممۋنيتەتتى ازداپ كوتەرەدى»، – دەپ ءتۇسىندىردى مينيستر.

ەستەرىڭىزگە سالا كەتەيىك، ەندى رەسەيلىك «سپۋتنيك V» ۆاكتسيناسىنىڭ ەكىنشى دوزاسى بۇرىنعىداي 21 كۇننەن كەيىن ەمەس، 45 كۇن وتكەن سوڭ ەگىلەدى.

ۇقساس جاڭالىقتار

Back to top button