اتىراۋدا ازيا چەمپيونىن اتىپ ولتىرگەن كۇدىكتىگە جازا كەسىلدى

اتىراۋدا ەسەنبەك سيعۋاتوۆتى اتىپ ولتىرگەن قىلمىسكەر 15 جىلعا باس بوستاندىعىنان ايىرىلدى، – دەپ حابارلايدى كتك تەلەارناسى. 

سوت ۇكىمىنە ەكى تاراپ تا نارازى بولعان. مارقۇمنىڭ اتا-اناسى سوتتالۋشىنىڭ ەكس-پوليتسەي ەكەنىن ەسكەرىلمەدى دەسە، ايىپتالۋشى تاراپ جازانىڭ اۋىرلىعىنا شاعىمدانىپتى.

ايتا كەتەيىك، 18 جاستاعى گرەپلينگتەن ازيا چەمپيونى ەسەنبەك سيعۋاتوۆ وتكەن جىلى تامىزدا وققا ۇشقان. ونى اڭشى مىلتىعىمەن اتىپ ولتىرگەن ماعزۇم بەكەت 15 جىلعا سوتتالسا، قىلمىستى جاسىرۋعا تىرىسقان بەيىمبەت دۇيسەنعاليەۆ 3 جىلعا باس بوستاندىعىنان ايىرىلدى.

«سوتتالعان ماعزۇم مەن دۇيسەنعاليەۆتەن مەملەكەتتى پايدا جۇرگىزۋ شىعىنى 715 712 تەڭگە. ارقايسىنا ۇلەس تارتىبىمەن 357 856 تەڭگەدەن ءوندىرىلسىن. ماعزۇمنىڭ جازاسىن قىلمىستىق اتقارۋ جۇيەسىنىڭ قاۋىپسىزدىگى بارىنشا جوعىرى مەكەمەسىندە وتەلۋ بەلگىلەنسىن»، – دەدى اتىراۋ وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى تىنىشتىق نۇرىموۆا.

ۇقساس جاڭالىقتار

Back to top button