جوعالىپ كەتكەن كاسىپكەر ءولى كۇيدە وزەننەن تابىلدى

قاراعاندى وبلىسىندا جوعالىپ كەتكەن كاسىپكەر نۇرلان سۇلەيمەنوۆ ءولى كۇيدە تابىلدى، – دەپ حابارلايدى قازتاگ.

«5 مامىردا قاراعاندى وبلىسى تج سۇڭگۋىرلەرى مەن ۋچاسكەلىك پوليتسيا ينسپەكتورلارى ىزدەستىرۋ جۇمىستارىن جۇرگىزۋ كەزىندە نۇرا وزەنىنەن نۇرا اۋدانى تاسسۋات اۋىلىنىڭ 63 جاستاعى تۇرعىنىنىڭ ءمايىتىن تاپتى. تۋىستارى تانىپ، راستادى»، – دەدى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.

وقيعاعا قاتىستى ءتيىستى ساراپتامالار تاعايىندالدى.

«وزەن ارناسى بويىنشا ىزدەۋ جۇمىستارىنا سۋدىڭ دەڭگەيى، كۇردەلى رەلەف، شۇڭقىرلار، سۋ استىنىڭ تولىق كورىنبەۋى، وسىمدىكتەردىڭ كوپ بولۋى كەدەرگى كەلتىردى. سوعان قاراماستان، قۇتقارۋشىلار ءۇمىتىن ۇزبەي بىرنەشە رەت سول جەرلەردى تەكسەرىپ، ىزدەۋ جۇمىستارىن جۇرگىزدى. قازا تاپقان ادام كولىك تابىلعان اۋماقتان ءتورت شاقىرىم قاشىقتىقتاعى جەردەن تابىلدى»، – دەپ ناقتىلادى قر تجم رەسمي وكىلى تالعات ءۋالي.

ەسكە سالا كەتەيىك، بيزنەسمەن نۇرلان سۇلەيمەنوۆ 8-9 ساۋىرگە قاراعان ءتۇنى حابار-وشارسىز كەتكەن بولاتىن.

ۇقساس جاڭالىقتار

Back to top button