اقمولا وبلىسىندا جولاۋشىلار 19 جاستاعى تاكسي جۇرگىزۋشىسىن ءولتىرىپ كەتكەن

اقمولا وبلىسىندا ماس جولاۋشىلار وزدەرىن جەتكىزىپ تاستاۋدان باس تارتقان 19 جاستاعى تاكسي جۇرگىزۋشىسىن ءولتىردى، دەپ حابارلايدى Azattyq Rýhy.

4 مامىردا بۋراباي اۋدانىنىڭ پوليتسيا ءبولىمىنىڭ كەزەكشى بولىمىنە اۋداننىڭ 45 جاستاعى تۇرعىنى حابارلاسقان. ول 19 جاسار ۇلىنىڭ جوعالىپ كەتكەنىن ايتقان.

انىقتالعانداي، ماس بولعان ەكى جولاۋشى كولىكتى ايداپ كەتپەك بولعان. ولار قاتاركولدەن ششۋچينسكىگە inDriver ارقىلى تاپسىرىس بەرگەن.

ەكى جولاۋشىنىڭ ماس ەكەنىن بايقاعان جىگىت ولاردى اپارۋدان باس تارتىپ، كولىكتەن ءتۇسۋدى تالاپ ەتكەن. جانجال توبەلەسكە اينالعان: جولاۋشىلاردىڭ ءبىرى جۇرگىزۋشىنى تۇنشىقتىرا باستاعان، ەكىنشىسى شىنى بوتەلكەمەن باسىنان ۇرعان.

پوليتسەيلەر ەكى كۇدىكتىنى – ششۋچينسك قالاسىنىڭ 22 جاستاعى تۇرعىنىن جانە قاتاركول اۋىلىنىڭ 20 جاستاعى تۇرعىنىن ۇستادى.

ۇقساس جاڭالىقتار

Back to top button