6 مامىر: ەستە قالعان ەلەۋلى وقيعالار

1992 جىلى قازاقستان رەسپۋبليكاسى مەن دانيا كورولدىگى اراسىندا ديپلوماتيالىق قارىم-قاتىناس ورناتۋ تۋرالى حاتتاماعا قول قويىلدى.

1993 جىلى الماتىدا رەسپۋبليكالىق كينو ۇيىندە 1991-1993 جىلدارى جاسالعان فيلمدەردىڭ بايقاۋى ءوتتى. بايقاۋدىڭ قورىتىندىسىندا گران-پري جۇلدەسى «وتىراردىڭ كۇيرەۋى» (رەجيسسەرى ا.امىرقۇلوۆ) جانە «سۇرجەكەي» (رەجيسسەرى د.ماناباەۆ) فيلمدەرىنە بەرىلدى.

1995 جىلى 6-8 مامىر ارالىعىندا قازاقستان رەسپۋبليكاسىنىڭ پرەزيدەنتى ن.نازارباەۆ لوندوندا، پاريجدە جانە ماسكەۋدە وتكەن ەكىنشى دۇنيەجۇزىلىك سوعىستاعى جەڭىستىڭ 50 جىلدىق مەرەيتويىنا ارنالعان سالتاناتتى راسىمدەرگە قاتىستى. ەلباسى مەرەكەلىك شارالارعا قاتىسۋ بارىسىندا ەدينبۋرگ جانە ۋەلسسكي حانزادالارىمەن، ۇلىبريتانيانىڭ پرەمەر-ءمينيسترى دج.مەيدجورمەن، فرانتسيا پرەزيدەنتى ج.شيراكپەن، گەرمانيانىڭ فەدەرالدى كانتسلەرى گ.كولمەن، اقش-تىڭ ۆيتسە-پرەزيدەنتى ا.گورمەن، يوردانيا كورولى حۋسەينمەن جانە باسقا دا مەملەكەتتەردىڭ باسشىلارىمەن كەزدەسۋلەر وتكىزدى.

1996 جىلى 1960 جىلعى 20 قىركۇيەكتە س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى قۇرىلدى. ينستيتۋت بۇرىنعى 24-ءشى اسكەري ۋچيليششەنىڭ ەكى كازارما جانە 10 ءبىر قاباتتى باراقتارىندا ورنالاسقان. ونداعى ماشينا جاساۋ، ينجەنەرلىك-قۇرىلىس جانە ەنەرگەتيكالىق فاكۋلتەتتەردە 400 ستۋدەنت ءبىلىم العان. ساباقتاردى اراسىندا بىرەۋى عانا دوتسەنت عىلىمي اتاعىنا يە بولعان 16 وقىتۋشى جۇرگىزگەن. بۇگىندە ۋنيۆەرسيتەت – جوعارى كاسىبي زياتكەرلىك عىلىمي-پەداگوگيكالىق الەۋەتكە يە كوپسالالى جوعارى ءبىلىم ورداسى. جوو-دا 63-تەن استام ماماندىق بويىنشا ءبىلىم الىپ جۇرگەن 22000-عا جۋىق ستۋدەنت بار. ولاردى 20 پروفەسسور، 40 عىلىم دوكتورى جانە 177 عىلىم كانديداتى، 104 دوتسەنتتەن قۇرالعان وقىتۋشىلار قۇرامى دايارلاپ جاتىر.

1998 جىلى پرەزيدەنت جارلىعىمەن قازاقستان رەسپۋبليكاسىنىڭ استاناسى – اقمولا قالاسىنىڭ اتاۋى استانا قالاسى بولىپ وزگەرىپ، «سارىارقا» جانە «الماتى» اۋداندارى قۇرىلدى.

2003 جىلى استانادا قر پرەزيدەنتى ن.نازارباەۆتىڭ قاتىسۋىمەن «دۋمان» ويىن-ساۋىق كەشەنىنىڭ اشىلۋ سالتاناتى ءوتتى.

2003 جىلى استانادا «حالىقتار دوستىعى» ەسكەرتكىشى اشىلدى. اۆتورى – ساكەن نارىنوۆ.

2006 جىلى اقمولا وبلىسىنىڭ ستەپنوگورسك قالاسىندا ايماقتىق قوعامدىق-ساياسي «ستەپنوگورسك اقشامى» گازەتىنىڭ العاشقى سانى جارىق كوردى.

2009 جىلى الماتىدا «سپيرا-بەرگا» جشس-نىڭ جاڭا پوليەتيلەن تۇربالار زاۋىتى ىسكە قوسىلدى. «سپيرا-بەرگا» زاۋىتى – قازىرگى زامانعى سۋمەن جابدىقتاۋ، كاناليزاتسيا جانە كابەلدى قورعايتىن جۇيەلەرگە ارنالعان پوليەتيلەن تۇربالارىنىڭ جوعارى ساپالى ءوندiرiسىن وڭتايلاندىرعان قازاقستان اۋماعىنداعى العاشقى كاسiپورىنداردىڭ بiرi. ءونiم Cincinnati، Corma جانە Jweel سىندى دۇنيەجۇزىلىك وندiرۋشiلەردىڭ جابدىعىندا شىعارىلادى.

2010 جىلى قازاقستان رەسپۋبليكاسى سىرتقى ىستەر مينيسترلىگىنىڭ عيماراتىندا ەكىنشى دۇنيەجۇزىلىك سوعىس جىلدارىندا گەرمانيا جانە اۆستريا اۋماعىندا قازا تاپقان قازاقستاندىقتارعا ارنالعان ەستەلىك كىتابىنىڭ تۇساۋكەسەرى ءوتتى.

2010 جىلى الماتى قالاسىنداعى دوستىق داڭعىلىندا ورنالاسقان ۇيدە كەڭەس وفيتسەرى، ەكىنشى دۇنيەجۇزىلىك سوعىس ارداگەرى، «حالىق قاھارمانى»، رەيحستاگقا تۋ تىككەن راقىمجان قوشقارباەۆقا ارنالعان مەموريالدىق تاقتا سالتاناتتى تۇردە اشىلدى.

2010 جىلى الماتىنىڭ شاڭىراق-2 شاعىناۋدانىندا الاتاۋ اۋدانى اكىمىنىڭ اپپاراتى عيماراتىنىڭ الدىندا ەكىنشى دۇنيەجۇزىلىك سوعىس ارداگەرلەرىنە ارنالعان ەسكەرتكىش اشىلدى. 2011 جىلى ەلوردالىق «جاستار» سارايىندا «بۇكىل الەمنىڭ كوشپەندىسى» اتتى دەرەكتى ءفيلمنىڭ تۇساۋكەسەرلىك كورسەتىلىمى ءوتتى. ول تالعات مۇساباەۆتىڭ جەردەگى جانە عارىشتاعى ءومىرى تۋرالى باياندالادى.

2013 جىلى قوستانايدا اشىق اسپان استىنداعى اسكەري تەحنيكا مۇراجايى اشىلدى. جەڭىس ساياباعىنىڭ قاسىندا ورنالاسقان وعان نيەت بىلدىرگەن كەز كەلگەن ادام كىرە الادى. مۇراجدايدا ەكىنشى دۇنيەجۇزىلىك سوعىس كەزىندەگى عانا ەمەس، ازاماتتىق سوعىستا قولدانىلعان اڭىزعا اينالعان اسكەري تەحنيكا ماكەتتەرى ۇسىنىلدى. ولاردىڭ اراسىندا ت-34، ت-62 تانكتەرى، «كاتيۋشا» ارتيللەريالىق قوندىرعىسى، برونەۆيك، گاۋبيتسا بار.

2013 جىلى «تۇرىكمەنستان-وزبەكستان-قازاقستان-قىتاي» گاز قۇبىرى عاسىر جوباسى اتالدى. «تۇرىكمەنستان-وزبەكستان-قازاقستان-قىتاي» گاز قۇبىرىنىڭ جالپى ۇزىندىعى شامامەن 7 مىڭ شاقىرىمدى قۇرايدى. بۇل رەتتە تۇرىكمەنستان اۋماعى بويىنشا 188 شاقىرىم، وزبەكستاندا – 525 شاقىرىم، قازاقستاندا – 1293 شاقىرىم، قىتايدا 4860 شاقىرىمنان استام قۇبىر سالىندى.

2013 جىلى استانادا «تۇرىكمەنستاننىڭ دارىلىك وسىمدىكتەرى» اتتى ەنتسيكلوپەديا كىتابىنىڭ قازاق تىلىندە شىققان 2 تومىنىڭ تۇساۋكەسەرى ءوتتى. ونىڭ اۆتورى – دوستاس ەلدىڭ پرەزيدەنتى گۋربانگۋلى بەردىمۇحامەدوۆ.

2013 جىلى باكۋدە ازەربايجان مەملەكەتتىك اكادەميالىق وپەرا جانە بالەت تەاترى وپەرا ونەرىن سۇيۋشىلەرگە تاماشا سىيلىق – قازاقستاننىڭ جەتەكشى كومپوزيتورلارىنىڭ ءبىرى ەركەعالي راحماديەۆتىڭ «الپامىس» وپەراسىنىڭ قويىلىمىن ۇسىندى.

2014 جىلى استانا قالاسىنىڭ ورتالىق كوممۋنيكاتسيالار قىزمەتىندە «NOMADS» العاشقى قازاقستاندىق براۋزەرلىك ويىنى تانىستىرىلدى.

ۇقساس جاڭالىقتار

Back to top button