ءمادينا ابىلقاسىموۆا تيمۋر ابىلقاسىموۆتى كەڭەسشى ەتىپ تاعايىندادى

ەكونوميست تيمۋر ابىلقاسىموۆ قارجى نارىعىن رەتتەۋ جانە دامىتۋ اگەنتتىگى توراعاسىنىڭ كەڭەسشىسى بولىپ تاعايىندالدى، دەپ حابارلايدى اگەنتتىكتىڭ رەسمي سايتى.

“تيمۋر ابىلقاسىموۆ تاعايىندالعانعا دەيىن “Radius Advisory Lab” كونسالتينگتىك كومپانياسىنىڭ ارىپتەسى لاۋازىمىن اتقاردى. كۆازيمەملەكەتتىك سەكتور كومپانيالارىندا جانە ەۋرازيالىق دامۋ بانكىندە جۇمىس ىستەدى، پارلامەنت سەناتىنىڭ جانىنداعى جاس ساراپشىلار كلۋبىنىڭ مۇشەسى”، – دەلىنگەن حابارلامادا.

تيمۋر ابىلقاسىموۆ 2011 جىلى قازاقستان مەنەدجمەنت، ەكونوميكا جانە بولجاۋ ينستيتۋتىن «بيزنەس  ەكونوميكاسى» جانە «مەملەكەتتىك ساياسات ەكونوميكاسى» ماماندىقتارى بويىنشا ءبىتىردى.

لوندون بيزنەس جانە قارجى مەكتەبىندە «تاۋەكەل-مەنەدجمەنت» ماماندىعى بويىنشا مۆا دارەجەسىن العان.

تاۋەكەلدەردى باسقارۋ جونىندەگى كاسىبي مامانداردىڭ جاھاندىق قاۋىمداستىعى (Financial Risk Manager) حالىقارالىق سەرتيفيكاتىنىڭ يەگەرى.

بۇدان باسقا، تيمۋر ابىلقاسىموۆتىڭ وپەراتسيالىق تاۋەكەلدەر، بازەل III جانە Data science بويىنشا سەرتيفيكاتتارى بار.

سونداي-اق ول «قازتەمىرترانس» اق جانە «Kazakhstan Energy Reinsurance Company» ديرەكتورلار كەڭەسىنىڭ مۇشەسى لاۋازىمىن اتقارعانى بەلگىلى. م. نارىكباەۆ اتىنداعى قازمزۋ-دا اعا وقىتۋشى بولىپ جۇمىس ىستەدى.

تاۋەكەلدەردى باسقارۋ جانە قارجى سەكتورى ماسەلەلەرىنە ارنالعان «Risk Takers» تەلەگرام-ارناسىنىڭ اۆتورى.

ۇقساس جاڭالىقتار

Back to top button