جامبىل وبلىسىنداعى ۆاكتسينا شىعاراتىن زاۋىتقا تاعى 1،6 ميلليارد تەڭگە بولىنبەك

جامبىل وبلىسىندا سالىنىپ جاتقان بيوفارماتسەتيۆكالىق زاۋىتقا بيۋدجەتتەن قوسىمشا 1،6 ميلليارد تەڭگە بولىنەدى. ءماجىلىس ءتيىستى زاڭ جوباسىن ماقۇلدادى، دەپ حابارلايدى Sputnik قازاقستان.

«2021–2023 جىلدارعا ارنالعان رەسپۋبليكالىق بيۋدجەت تۋرالى» زاڭىنا وزگەرىستەر ەنگىزۋ تۋرالى زاڭ جوباسىنىڭ قورىتىندىسىنا سايكەس، يممۋنوبيولوگيالىق پرەپاراتتار شىعاراتىن بيوفارماتسەۆتيكالىق زاۋىتتىڭ قۇرىلىسىن اياقتاۋعا قوسىمشا 1 597 008 مىڭ تەڭگە كوزدەلگەن.

قۇجاتتى تالقىلاۋ بارىسىندا ءماجىلىس سپيكەرى نۇرلان نىعماتۋلين زاۋىتتىڭ ىسكە قوسىلۋىنا كىم جاۋاپتى ەكەنىن سۇرادى.

«ء;بىز قوسىمشا تاعى 1،6 ميلليارد تەڭگە بەرىپ جاتىرمىز. وسى زاۋىتقا كىم جاۋاپتى؟ كوپتەن بەرى ول تۋرالى ايتىپ ءجۇرمىز: لەنتاسىن قيدىق، الەكسەي ۆلاديميروۆيچ (تسوي) پيار ناۋقانىن ءساتتى وتكىزدى. ەندى زاۋىتتا ونەركاسىپتىك ءوندىرىس قاشان باستالاتىنىن ناقتى ايتۋىمىز كەرەك قوي. كىم جاۋاپتى؟»، – دەپ سۇرادى ول ءبىرىنشى ۆيتسە-پرەمەر ءاليحان سمايىلوۆتان.

«ۇكىمەت جاۋاپتى. بۇل ماسەلەمەن پرەمەر-ءمينيستردىڭ ورىنباسارى ەرالى توعجانوۆ اينالىسادى. قازىر بارلىق تەحنيكالىق جۇمىستى اكىمدىك جۇرگىزىپ جاتىر، ولار اياقتالىسىمەن ءبىلىم جانە عىلىم مينيسترلىگىنىڭ بالانسىنا تاپسىرادى»، – دەپ جاۋاپ بەردى سمايىلوۆ.

دەنساۋلىق ساقتاۋ ءمينيسترى الەكسەي تسويدىڭ ايتۋىنشا، زاۋىت جىل سوڭىندا ىسكە قوسىلماق.

ۇقساس جاڭالىقتار

Back to top button