ەلەكتروساموكات مىنگەندەر ەسكەرۋى ءتيىس ەرەجەلەر

جاس بالادان باستاپ، ۇلكەن جاستاعى ادامدارعا دەيىن ەلەكتروساموكاتپەن ءجۇرۋ ىڭعايلى. ەلەكتروساموكاتتىڭ ەرەكشەلىگى ەلەكتر قوزعالتقىشى مەن اككۋمۋلياتورىنىڭ بولۋىندا. ءتىپتى جانارماي قۇيىپ اۋرەگە سالمايدى. ەلەكتروساموكاتقا كولىك تۇراعىنىڭ كەز كەلگەن جەرىنەن ورىن تابا الاسىز. ال كەمشىلىگىنە كەلەتىن بولساق، جاڭبىر كەزدە سوماكاتپەن جۇرە المايسىز. ياعني اۋا رايىنا تاۋەلدى ەكەنىن ۇمىتپاعان ءجون.

ەلەكترساموكاتتار ءارتۇرلى بولعانىمەن بارلىعىنىڭ جۇمىس ىستەۋ ءپرينتسيپى بىردەي. تەك كىشىگىرىم نيۋانستارى بار. مىسالى، كەيبىر مودەلدە ءرۋلدىڭ جانىندا جىلدامدىقتى جانە تەجەۋدى رەتتەيتىن تۇتقىش بار. ال باسقا مودەلدەردە قوزعالىستى باستاۋ ءۇشىن اياعىڭىزدى ساموكاتقا قويىپ، جەرگە تيگىزبەۋىڭىز كەرەك. ەلەكترساموكات ورتاشا ەسەپپەن ساعاتىنا 35 شاقىرىمدى ەڭسەرە الادى. بۇل كولىكتىڭ سالماعى نەبارى 10 كەلى. ايتارلىقتاي اۋىر بولماعاندىقتان ونى كەز كەلگەن عيمارات ىشىنە قولعا ۇستاپ كىرە الاسىز. ساموكاتتىڭ باتارەياسى 2 ساعاتتا تولىق قۋاتتالادى. بۇل 40 شاقىرىم جول جۇرۋگە جەتكىلىكتى. ەلەكترساموكاتتىڭ جىلدامدىقتى جانە اككۋمۋلياتور دەڭگەيىن كورسەتەتىن سپيدومەترلىك مودەلى دە بار.

ەلەكترساموكات ءار ادامنىڭ دەڭگەيىنە قاراي ارنالادى. وسىعان بايلانىستى ساموكات ديزاينىنىڭ سيپاتتاماسى دا ءارتۇرلى بولادى.

ەلەكتروساموكات قولدانۋشىلار ەسكەرۋى ءتيىس ەرەجەلەرءدى نازارىڭىزعا ۇسىنامىز.

ەلەكتروساموكات مىنگەندەرگە تىيىم سالىنادى:

  • جاياۋ جۇرگىنشىلەر وتكەلىنەن جۇرۋگە;
  • ءرۋلدى ۇستاماي جۇرگىزۋگە;
  • جولاۋشىلار مەن جۇكتەردى تاسىمالداۋعا;
  • جاقىن ماڭدا ۆەلوسيپەد جولى بولا تۇرا، باسقا جولمەن جۇرۋگە;
  • جول ۇستىندە سولعا نەمەسە كەرى بۇرىلۋعا;
  • ماس كۇيىندە باسقارۋعا.

ەلەكتروساموكات جول قوزعالىسى ەرەجەسىندە موپەدكە تەڭەستىرىلەدى. ولارعا ۆەلوسيپەدكە ارنالعان جولمەن نەمەسە جولدىڭ ۆەلوسيپەدكە ارنالعان جولاعىمەن جۇرۋگە رۇقسات ەتىلەدى. ەگەر وسىنداي ارنايى بەلگىلەنگەن جولدار بولماسا، وندا جولدىڭ ءجۇرۋ بولىگىنىڭ وڭ جاق جيەگىندە، تروتۋاردا نەمەسە جاياۋ جۇرگىنشىلەردىڭ جۇرۋىنە قاۋىپ توندىرمەسە عانا جۇرۋگە رۇقسات ەتىلەدى. جول قوزعالىسىن تاڭدامايتىن ۆەلوسيپەد، موپەد جانە ساموكاتتى 16 جاستان باستاپ جۇرگىزۋگە رۇقسات ەتىلگەن.

ساموكاتپەن ۆەلوجولدارمەن جۇرمەسە اكىمشىلىك جاۋاپكەرشىلىككە تارتىلادى. ايىپپۇل ەكى ايلىق ەسەپتىك كورسەتكىشتەن باستالادى.

 

قىزعالداق ومار،

ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى

ساياساتتانۋ جانە جۋرناليستيكا فاكۋلتەتىنىڭ 4-كۋرس ستۋدەنتى

ۇقساس جاڭالىقتار

Back to top button