- 1992 жылғы 29 сәуірде Алматыда Түрік елшілігі ашылды.
- 1992 жылғы 1 мамырда Алматыда Қазақстан Республикасының Президенті Нұрсұлтан Назарбаев және Түркияның Премьер-Министрі Сүлеймен Демирель Бірлескен мазмұндамаға қол қойды.
- 1993 жылғы 5 мамырда Вашингтондағы Дүниежүзілік банктің штаб-пәтерінде Арал теңізіне арналған халықаралық семинар өтті.
- 1995 жылғы 3 мамырда «Батыс Қазақстан - Құмкөл» мұнай құбыры іске қосылды.
- 1995 жылғы 5 мамырда Жамбыл облысы Жуалы ауданының Мыңбұлақ ауылында Кеңес Одағының Батыры, жазушы Бауыржан Момышұлының мұражайы ашылды.
- 1997 жылғы 3 мамырда Президент Нұрсұлтан Назарбаевтың «Қазақстан Республикасының әкімшілік-аумақтық орналасуын одан әрі жетілдіру шаралары туралы» Жарлығына сәйкес Жезқазған, Көкшетау, Семей облыстары таратылды.
- 1999 жылғы 28 сәуірде Батыс Қазақстан облыстық филармониясына әнші, Қазақстанның халық әртісі Ғарифолла Құрманғалиевтің есімі берілді.
- 2000 жылғы 1 мамырда Алматыда Қазақстан халықтары достығының I фестивалі өтті. 2001 жылғы 3 мамырда Алматы қаласы көшелерінің біріне ҚР Таэквондо федерациясының негізін қалаушы және бірінші президенті, таэквондодан әлемнің алты дүркін чемпионы Мұстафа Өзтүріктің есімі берілді.
- 2001 жылғы 4 мамырда Оңтүстік Қазақстан облысының Сарыағаш ауданында Төле биге ескерткіш орнатылды.
- 2002 жылғы 29 сәуірде «Қазақстан Республикасы Президенті жанындағы Ұлттық кеңесті құру туралы» Жарлық шықты.
- 2005 жылғы 28 сәуірде ҚР Президенті Нұрсұлтан Назарбаевтың Жарлығымен Кәсіпкерлер кеңесі құрылды.
- 2006 жылғы 2 мамырда Мойнақ су электр станциясының құрылысы басталды. 2011 жылғы 29 сәуірде Алматыда КСРО халық әртісі, Халық қаһарманы, режиссер Әзірбайжан Мәмбетовке арналған мемориалдық тақта ашылды.
- 2014 жылғы 5 мамырда ұлы түрік қолбасшысы Күлтегіннің суреті бейнеленген 1000 теңге номиналы «IBNS 2013 жылдың үздік банкноты» номинациясын жеңіп алып, халықаралық банкнот конкурсының қатысушы-елдері арасында әлемдік рекорд орнатты.
- 2015 жылғы 4 мамырда Алматыда Рейхстаг ғимаратына Жеңіс туын тіккен Рақымжан Қошқарбаевқа (1924-1988) арналған мемориалдық тақтаның салтанатты ашылу рәсімі өтті.
Тәуелсіздік күнтізбесі
Тәуелсіздік күнтізбесі
