Бердімұхамедов Мемлекет басшысын Түркіменстанға шақырды
Бердімұхамедов Мемлекет басшысын Түркіменстанға шақырды
Қасым-Жомарт Тоқаев Гурбангулы Бердімұхамедовпен телефон арқылы сөйлесті, деп хабарлайды akorda.kz.
Ақорданың ақпараты бойынша, екі ел басшысы қазақ-түркімен көпжоспарлы ынтымақтастығын дамыту, екі мемлекет арасындағы достық пен стратегиялық әріптестік қатынастарын нығайту перспективалары туралы жан-жақты пікір алмасты.
Тоқаев екі елдің бауырлас халықтарының мүддесі үшін Қазақстанның Түркіменстанмен көпжақты байланыстарды одан әрі дамытуға дайын екенін мәлімдеді.
Түрікменстан президентінің пікірінше, Қазақстан Түрікменстанның Орталық Азиядағы негізгі серіктесі.
Президенттер өзара сауда көлемін арттыру, өнеркәсіп, ауыл шаруашылығы, энергетика, көлік және логистика салаларындағы жобаларды іске асыру мақсатында Қазақстан мен Түрікменстанның күш-жігерін біріктіруге дайын екендіктерін растады.