Бұл ретте мұндай ақпараттың көлемі ақпарат алаңының жалпы көлемінің кемінде 20% - ын құрауы тиіс және қазақ, орыс тілдерінде, ал қажет болған жағдайда басқа тілдерде де көрсетіледі, - делінген құжатта.Хабарлама мәтініндегі ақпарат қаріпінің көлемі концерт немесе басқа да іс-шара туралы афишаларда және басқа да хабарландыруларда пайдаланылатын қаріп мөлшерінің жартысынан кем болмауы тиіс. Бұл ретте негізгі фонға және өзге де тәсілдерге қарағанда қаріптердің ашық немесе күңгірт реңктерін пайдалана отырып, ақпаратты қабылдауды төмендету тәсілдерін қолдануға жол берілмейді. Теледидар, радиоарналарда берілетін бұқаралық іс-шараларды өткізу туралы ақпаратта фонограммаларды пайдалану туралы дыбыстық хабардар етудің ұзақтығы хабарламаның басында немесе соңында кемінде 5 секундты құрайды. Телевизия мен радиода фонограммаларды пайдалану туралы хабардың көлемі бұқаралық іс-шараларды өткізу туралы хабардың көлемінен төмен болмауға тиіс. Егер бұқаралық іс-шараларды өткізу туралы, оның ішінде фонограммаларды пайдалана отырып музыкалық туындылар орындалатын теле -, радиоарналарда берілетін дыбыстық хабарламаның ұзақтығы 15 секундтан аспаған жағдайда, "фонограмма пайдаланылады" деген сөздерді айту немесе телеарналарда дыбыстық хабар берудің басында немесе соңында ұқсас мазмұндағы мәтінді жазу арқылы хабардар етуге жол беріледі. Дыбыс қатынасы, оның ішінде теле-радиоарналарда берілетін хабар кезінде фонограммаларды өзге дыбыстармен пайдалану туралы берілетін ақпаратты бұрмалауға және ақпараттың естілуін немесе ажыратылуын төмендетудің өзге де тәсілдерін қолдануға жол берілмейді. Атап өтілгендей, көрермендерге фонограммаларды пайдалану туралы ақпарат бұқаралық іс-шараларға билеттер сатылғанға дейін жүзеге асырылады. Сонымен бірге музыкалық туындыларды орындау кезінде фонограммаларды пайдалануға көрермен бұл туралы хабардар етпеген жағдайда жол берілмейтіні көрсетіледі. Бұйрық 2021 жылғы 7 мамырдан бастап қолданысқа енгізіледі.
Мәдениет министрлігі фонограммаға қатысты ереже бекітті
Мәдениет министрлігі фонограммаға қатысты ереже бекітті
Мәдениет және спорт министрі 2021 жылғы 20 сәуірдегі бұйрығымен музыкалық туындыларды орындау кезінде фонограммаларды пайдалану туралы көрерменді хабардар ету қағидаларын бекітті, деп хабарлайды zakon.kz.
Ережеге сәйкес, ойын-сауық мәдени-бұқаралық іс-шараларды ұйымдастырушылар, сондай-ақ шығармашылық ұжымдар мен мәдени-бұқаралық іс-шараларды орындаушылар көрермендерге музыкалық шығармаларды орындау кезінде фонограммаларды пайдаланатыны туралы хабарлауы тиіс.
Фонограммаларды пайдалану туралы ақпарат сыртқы (көрнекі) жарнама объектілерінде және тиісті ақпараттың басқа да баспа өнімдерінде, оның ішінде билеттер сатылатын орындарда тікелей орналасқан және орналастырылған, сондай-ақ бұқаралық ақпарат құралдарында орналастырылады.