Алматыда оқ атқан күдікті туралы жаңа дерек анықталды

Алматы қаласындағы "Бұхар Жырау Тауэрс" тұрғын үй кешенінде оқ атқан күдікті туралы жаңа мәлімет белгілі болды, - деп хабарлайды zakon.kz. КТК телеарнасының хабарлауынша, күдіктінің 53 жастағы Ресей азаматы Руслан Исаев екені анықталған. Ол отбасымен өткен жылдың соңында Алматыға жұмысқа орналасу үшін көшіп келген. Бірақ жақында жұбайы ажырасуға өтініш беріп, төрт баласымен бірге отанына оралыпты. Таныстары күдіктінің психикалық ауытқулары бар екенін жоққа шығармайды. Шешен соғысына қатысқан.