Бұрынғы әйелін өлтірген экс-шенеунік қамауға алынды

Бұрынғы әйелін өлтірген экс-шенеунік қамауға алынды

Тергеу барысында Бауыржан Хайруллин тергеу изоляторында болады. БҚО полиция департаменті баспасөз қызметінің мәліметінше, 22 сәуірде тергеу сотының санкциясымен Бауыржан Хайруллин екі айға қамауға алынған. Ол ҚР ҚК-нің 99-бабы «Адам өлтіру» бойынша қылмыс жасады деген күдікке ілінді. Бұл туралы uralskweek.kz хабарлады.

Орал қаласында әйелін пышақтап өлтірді деген күдікке ілінген қалалық әкімдіктің бұрынғы қызметкері Бауыржан Хайруллин қамауға алынды.

Белгілі болғандай, Бауыржан Хайруллин мен Айнагүл Хайруллина өткен жылы ажырасып кеткен. Екеуінің 8 және 6 жастағы екі баласы бар. Марқұм Айнагүл Хайруллинаның әпкесінің айтуынша, ерлі-зайыптылар ресми ажырасқанына қарамастан, ер адам бұрынғы әйелін қудалауды тоқтатпағынын айтты. 21 сәуірде Айнагүл Хайруллинаны соңғы сапарға шығарып салды.