اقش سانكتسيالارى قازاقستانعا اسەر ەتە مە؟

اقش-تىڭ قازاقستانداعى ەلشىسى ۋيليام موزەر رەسەيگە قارسى سانكتسيالاردىڭ قازاقستانعا تيگىزەر اسەرى جايلى ايتتى. بۇل تۋرالى Tengrinews.kz جەتكىزدى.

– بۇل سانكتسيالار رەسەيدىڭ ارەكەتىن وزگەرتۋ ءۇشىن قابىلدانعانىن ايتقىم كەلەدى. اتاپ ايتساق، ولار سايلاۋعا جانە مەملەكەتتىك اقپاراتقا ارالاسۋ سياقتى ارەكەتتەر جاسادى. بۇعان ءبىز ودان ءارى شىداي المايمىز. ال قازاقستانعا كەلەتىن بولساق، سانكتسيالاردىڭ مىندەتتى سالدارىن بولدىرماۋى ءۇشىن جۇمىس ىستەدىك جانە ىستەي بەرەمىز دەگىم كەلەدى. ءبىز بۇل سانكتسيالاردىڭ قازاقستانعا كەرى اسەر ەتكەنىن قالامايمىز، – دەدى اقش ەلشىسى.

15 ساۋىردە اقش رەسەيگە قارسى جاڭا سانكتسيالار ەنگىزگەن بولاتىن. ول 32 جەكە تۇلعا مەن بىرلەستىككە قاتىستى. 14 ماۋسىمنان باستاپ اقش قارجى ينستيتۋتتارىنا ورتالىق بانك پەن رەسەيدىڭ قارجى مينيسترلىگىنەن، سونداي-اق ۇلتتىق ءال-اۋقات قورىنان بورىشتىق باعالى قاعازداردى تىكەلەي ساتىپ الۋعا تىيىم سالىندى. ۆاشينگتون بيلىگى رەسەيدىڭ 10 قىزمەتكەرى ەلدەن شىعارىلاتىنىن حابارلاعان ەدى.

ۇقساس جاڭالىقتار

Back to top button