Асабалықпен айналысқан легионер ойыншы қазақстандық жанкүйерлерді таңғалдырды

Футболдан Қазақстан чемпионатының алтыншы турында «Тұран» командасының шабуылшысы Стенли Нкоби «Каспий» клубына қарсы ойында екі гол соғып, көпшіліктің ыстық ықыласына бөленді.

Қазақстанға Нигериядан келген Стенли 2018 жылы «Қайрат» командасының фарм-клубында бақылауда болған, бірақ тексерістен өте алмаған ол астанада әуесқойлар лигасында ойнаған.

«Спорт Шредингера» телеграм-каналының хабарлауынша, Стенли сол уақытта КВН лигасында өнер көрсетіп, тойларда асаба қызметін атқарған.

Естеріңізге сала кетейік, алтыншы турда «Тұран» аяқ доп шеберлері «Каспий» ойыншыларымен тең түсіп, кездесу 2:2 есебімен аяқталды.

Back to top button