СҚО-да 246 бастауыш партия ұйымында есеп беру жиналысы басталды

Бір апта ішінде нұротандықтар партия ұйымдарының 2019-2020 жылдары атқарған жұмысы туралы мәселелерді талқылайды, БПҰ төрағалары мен төрағаларының орынбасарларын, сондай-ақ партияның аумақтық филиалдарының конференциясына делегаттарды сайлайды.

Петропавлдағы лицейлердің бірінде орналасқан «Дарын» бастауыш партия ұйымының бүгінгі таңда  86 мүшесі бар. Партиялықтар атап өткендей, олардың негізгі қызметі Елбасы, «Nur Otan»партиясының Төрағасы Нұрсұлтан Назарбаевтың мақсаттары мен міндеттерін орындауға бағытталған.

Жақында бастауыш партия ұйымының жиналысында жаңа төраға сайланды, ол – Наталья Аширова болды.

Бұдан басқа, партия мүшелері «Nur Otan» партиясының «Болашақ» аумақтық филиалының конференциясына қатысу үшін 10 делегатты сайлады.

«БПҰ» жаңа төрағасы бірінші кезекте азаматтардың әлеуметтік мәселелерін шешуге бағытталған іс-шаралар мен қайырымдылық акцияларын ұйымдастыру, ҚР Президенті Қасым-Жомарт Тоқаевтың жыл сайынғы Жолдауларын түсіндіру және іске асыру бойынша жұмыстар жалғастырылатынын атап өтті. Соңғы жылдары партия ұйымы осымен белсенді айналысты.

«Біз сондай-ақ өскелең ұрпақ арасында сыбайлас жемқорлыққа қарсы кең ауқымды насихаттау, сыбайлас жемқорлық көріністеріне төзбеушілік атмосферасын қалыптастыру бойынша жұмысқа белсенді қатысамыз. Сыбайлас жемқорлыққа қарсы іс-қимыл бойынша қабылданып жатқан шараларды түсіндіру бойынша тікелей эфирлер өткізіледі.«Дарын» БПҰ партия мүшелері «Ардагерлерді ардақтайық», «Кедергісіз келешек», «Бақытты отбасы» партиялық жобаларын іске асыру үдерісіне белсенді түрде қосылды», – деді Наталья Аширова.

Сонымен қатар, кәсіптік еңбек әлемі туралы білім алуды қамтитын білім алушылардың өзін-өзі кәсіби анықтауы үшін жағдай жасауға, олардың қызметін ұйымдастыруға бағытталған кәсіптік бағдарлау жұмысы жүзеге асырылады.Бастауыш партия ұйымы төрағасының айтуынша, бұл өскелең ұрпақ үшін маңызды.

БПҰ жиналыстары Солтүстік Қазақстан облысында 23 сәуірде аяқталады.

Жалпы күн тәртібін талқылауға «Nur Otan» партиясының 28,5 мыңнан астам мүшесі қатысады.

Back to top button