Шымкенте дәрігерлер кеңірдегіне түйреуіш тұрып қалған сәбиді аман алып қалды

Шымкенте дәрігерлер кеңірдегіне түйреуіш тұрып қалған сәбиді аман алып қалды

Шымкент қаласында дәрігерлер кеңірдегіне түйреуіш тұрып қалған үш айлық сәбидің жанын сақтап қалды,-деп хабарлайды KAZ.NUR.KZ. Тыныс алу жолдарына әлдене тұрып қалған сәби ауруханаға жеткізілген. Сәбиді тексерген дәрігерлер оның кеңірдегінде түйреуіш тұрғанын анықтаған. Содан соң хирургтар - Әкім Түлкібаев, Нұрбол Қоянбаев және анестизиолог-дәрігер Берік Тотиков шұғыл түрде балаға ота жасауға кіріскен. "Фибробронхоскоп арқылы іштегі түйреуішті алдық. Ота тіліксіз өтті. Баланың жалпы жағдайы жақсы, емдеу хаттамасына сәйкес қажетті ем алып жатыр", - дейді дәрігер Әкім Түлкібаев. Дәрігерлердің сөзінше моншақ, бұршақ, тырнақ, түйме, ине, түйреуіш, сүйек, ұсақ тиын секілді заттарды жұтып қойған балалар ауруханаға көп түседі екен. Мұндай жағдайлар көбінесе ата-анасының қарауынсыз қалған балаларда жиі кездесетін көрінеді.