بىرىككەن اراب امىرلىكتەرىنىڭ پرەمەر-ءمينيسترى شەيح مۇحاممەد بەن راشيد ءال-ماكتۋم عارىشقا اتتاناتىن العاشقى اراب ايەلىءنىڭ ەسىمىن اتادى. ول نۋرا ءال-ماترۋشي. بۇل تۋرالى baq.kz مالىمدەدى.

نۋرا ءال-ماترۋشي جانە تاعى ءبىر استروناۆت مۇحاممەد ءال-مۋللا 4000-نان استام ۇمىتكەردىڭ اراسىنان تاڭدالىپ الىنعان. عارىشكەرلەر NASA دجونسون عارىش ورتالىعىندا وقيتىن بولادى.

ءباا-دەن شىققان العاشقى استروناۆت ايەل 1993 جىلى دۇنيەگە كەلدى. ماشينا جاساۋ باكالاۆرى دارەجەسى بار. ۇلتتىق مۇناي قۇرىلىس كومپانياسىندا ينجەنەر بولىپ جۇمىس ىستەيدى. ءال-ماترۋشا-امەريكالىق ينجەنەر-مەحانيك قوعامىنىڭ مۇشەسى. ءباا عارىش ورتالىعىنىڭ قىسقا بەينەسىندە ونىڭ عارىشقا دەگەن قۇشتارلىعى جاس كەزىندە باستالعانى ايتىلعان.

ءباا-ءنىڭ العاشقى استروناۆتى حاززا ءال-مانسۋري 2019 جىلى عارىشقا اتتاندى. ول سەگىز كۇندى حالىقارالىق عارىش ستانتسياسىندا وتكىزدى.

وسى جىلدىڭ اقپان ايىندا ءباا العاش رەت ءوزىنىڭ «ال-امال» سپۋتنيگىن مارس وربيتاسىنا شىعاردى.

2024 جىلى ەل ايعا ۇشقىشسىز عارىش كەمەسىن جىبەرۋدى جوسپارلاپ وتىر. ءباا سونىمەن بىرگە 2117 جىلعا قاراي مارستا ادام كولونياسىن قۇرۋ تۋرالى ماقسات قويدى.