Түркістанда Орталық Азиядағы ең ірі туристік кешен "Керуен-сарай" ашылды

Түркістанда Орталық Азиядағы аса ірі көпфункционалды «Керуен-сарай» туристік кешенінің ашылу салтанаты өтті, деп хабарлайды Премьер-министрдің баспасөз қызметі.

Инвестициялық жобаны «Turkistan Tourism City» компаниясы іске асырды. Кешеннің құрылысы 2019 жылдың желтоқсан айында басталған. Нысан 20,5 га аумақта, Қожа Ахмет Яссауи кесенесіне қарама-қарсы, «Әзірет Сұлтан» мәдени қорығының буферлік аймағында орналасқан.

Мұнда 4 мыңнан астам тұрақты жұмыс орны ашылды. Кешенге Жібек жолы дәуіріндегі көпестер мен қолөнершілер көшесі, «Ұшатын театр», амфитеатр, шығыс базары, сауда қатарлары мен бутиктер, қонақ үйлер мен мейрамханалар, СПА мен фитнес-орталық, кинотеатр, отбасылық-ойын-сауық орталығы кіреді.

Сонымен қатар, барлық құрылымдар су арнасымен байланысқан.

«Керуен-сарайдың» ашылу салтанатына Премьер-министр Асқар Мамин, Түркістан облысының әкімі Өмірзақ Шөкеев, мәдениет және спорт министрі Ақтоты Райымқұлова, сондай-ақ инвестор компанияның өкілі Қуанышбек Құдайберген қатысты.

Ұқсас жаңалықтар

Back to top button