Карантин талабын бұзған әкімге айыппұл салынды

Карантин талабын бұзған әкімге айыппұл салынды

Карантин талабын бұзған әкімге айыппұл салынды
ашық дереккөзі
Қызылорда облысында мерекелік шараның бірінде карантин талабын сақтамаған ауыл әкіміне айыппұл салынды. Бүгінде өңірде бұл бағытта 45 мониторингтік топ жұмыс істеуде. Оның құрамында полиция департаменті, жергілікті атқарушы органдар, қоғам белсенділері мен еріктілер бар. Барлығы 128 маман карантин талабы сақталуын қадағалауға жұмылдырылған. «Қазіргі таңда карантин талаптары еңбек ұжымдарының барлығында бірдей сақтала бермейді. Наурыз айында өткен мерекелер барысында карантин талаптарын сақтамаған бірқатар ұйымдар мен мемлекеттік қызметшілерге әкімшілік құқық бұзушылық кодексіне сәйкес айыппұл салынды», – дейді облыстық санитариялық-эпидемиологиялық бақылау департаментінің басшысы Динара Жаңабергенова. Ведомство мәліметінше, облыстағы ауыл әкімінің бірі oсындай салғырттыққа жол берген. Ол ұжымдық іс-шара кезінде бетперде кимей, санитариялық-эпидемиологиялық заңнама талаптарын бұзған. Ендігі кезекте ол 230 АЕК әкімшілік айыппұл төлейді. «Арнайы мониторинг топтары карантин талаптарының сақталуын қадағалау үшін күн сайын тексеру жүргізуде. Мәселен облыс орталығының өзінде 1500-ден астам нысан мен тұрғын үй араланды. Оның ішінде, карантин талаптарын сақтамай той және басқа да рұқсат етілмеген мерекелік шаралар жасаған 83 жағдай анықталды. Ал 52 нысанға құзырлы орган арқылы әкімшілік шара қолданылды», – деді арнайы мониторинг тобының жетекшісі Ләззат Бақтыбаева.