АҚШ ғалымдары алғаш рет адам миын компьютерге сымсыз жалғады

Ғалымдар сал ауруына шалдыққан пациенттердің миын компьютерге жалғады. Процедура барысында сымсыз желі қолданылды. Бұл тәжірибе алғаш рет сыналса да, нәтижесі керемет болды, – деп хабарлайды INDEPENDENT.

АҚШ-тағы Браун университетінің (Brown University) ғалымдары жасаған BrainGate жүйесі адам миының мотор кортексіне шағын таратқыш арқылы қосылады және кең жолақты сымсыз арна арқылы бір ядролы ажыратымдылығы бар сигналды компьютерге жібере алады.

Соңғы сынақтың 35 және 63 жастағы екі қатысушысы омыртқа жарақатына байланысты сал ауруына шалдыққан. Олар сымсыз жүйені зертханада емес, үйде де тәулік бойы үздіксіз қолдана алды.

— Осы жүйенің көмегімен біз үйде мидың белсенділігін үздіксіз бақылай аламыз, бұл мүмкін емес нәрсе сияқты көрінген еді. Бұл бізге пациенттердің белсенділігін қалпына келтіруді қамтамасыз ететін декодтау алгоритмдерін жасауға мүмкіндік береді, – деп пікір білдірді Ли Хохберг(Leigh Hochberg), Браун университетінің инженерлік профессоры және BrainGate клиникалық зерттеулерінің жетекшісі.

Back to top button