Енді Бозжыра шатқалына кіру ақылы болады

Енді Бозжыра шатқалына кіру ақылы болады

Енді Бозжыра шатқалына кіру ақылы болады
ашық дереккөзі
Маңғыстау облысында Бозжыра шатқалына барғаны үшін ақы төлене бастады.   Бұдан былай "Жабайұшқан" мемлекеттік табиғи қаумалына кірген әр адам 291 теңгеге шығындалады, деп хабарлайды "Хабар 24". Жауапты мамандардың айтуынша, мұндай шешімге 1 наурызда облыс мәслихаты бекіткен хаттама негіз болған.    Осылайша, жиылған ақша Қарақия ауданының бюджетіне, яғни арнайы ашылған есепшотқа түсіп тұрады. Бұл қаражат бірінші кезекте мемлекет қорғауындағы қаумал аумағын күл-қоқыстан тазалап, шлагбаумдар қоюға жұмсалады. Ескеретін бір жайт, кіру ақысы автокөлікке және экскурсия жетекшісінен сұралмайды. “Қызылсай мемлекеттік табиғи паркінде 7 туристік маршрут орналасқан. Ерекше қорғалатын табиғи аумақты пайдаланғаны үшін жеке және заңды тұлғалардың 0,1 АЕК төлеуі тиіс туралы хаттама бекітілді. Яғни, 291 теңге. 31 наурызға дейінгі аралықта 98 мың теңге Қарақия ауданы кірістер басқармасына түсті. Бұл жерде 350-ден астам туристер. Алдағы уақытты біз осы соманы аумақтың дамуына, туризм саласының дамытуға жұмсалатын болады", - деді "Қызылсай" мемлекеттік өңірлік табиғи паркі" КММ қызметкері Наурыз Әнесов. Естеріңізге сала кетейік, әйгілі Бозжыра шатқалы Жабайұшқан қорығының аумағында орналасқан. Осы аймақтың жанында олар шетелдік инвестициялар үшін әлемнің түкпір-түкпірінен туристер келе алатын курорттық қонақ үй салуды жоспарлап отыр.