Халықаралық «Яңы моң» музыкалық жобасында әнші Әкімхан Мәженов қатысуда

Халықаралық «Яңы моң» музыкалық жобасында әнші Әкімхан Мәженов қатысуда

Халықаралық «Яңы моң» музыкалық жобасында әнші Әкімхан Мәженов қатысуда
ашық дереккөзі

Башкұртстан астанасы – Уфа қаласында бастау алған халықаралық «Яңы моң» музыкалық жобасына еліміздің намысын қорғап, Нұр-Сұлтан қаласы әкімдігінің Мемлекеттік академиялық филормониясының классикалық және эстрадалық вокал бөлімінің әншісі –  Әкімхан Мәженов қатысуда.

Халық әні «Екі жиренді» шырқап, үш бірдей қазыдан жоғары деңгейде баға алған жерлесімізді келесі кезеңнің бірінде башқұрт тілінде ән салу күтіп тұр. Бұл жобаға қатысуға 8000 мыңнан астам адам өтініш білдіріп, соның 52 - сі ғана кастингке өтті. Әр кезең сайын кіл мықтылар ғана іріктеліп, соның ішінен бір ғана үміткер жеңімпаз атанып, қомақты ақшалай сыйлықпен бірге әйгілі татар және башқұрт әншісі - Элвин Греймен шығармашылық жұмыс жасайтын болады. Бұл жобаның басты мақсаты – халықтар арасында мәдени музыкалық байланыс орната отырып, жас таланттарды анықтау. Өзге елде ел намысын қорғап жүрген жерлісімізге сіздердің қолдауларыңызбен ыстық ықыластарыңыз өте қажет. Филормония ұжымы және барша қазақстандықтар атынан Әкімханға сәттілік тілейміз!