Легионер футболшы Қазақстан құрамасында ойнау үшін азаматтық алмақ

«Астана» футбол клубының жартылай қорғаушысы хорватиялық Марин Томасов Қазақстан азаматтығын алуға өтініш берді, деп хабарлайды елордалық клубтың баспасөз қызметі. 2017 жылдан бері «Астана» клубының құрамында ойнап жүрген 33 жастағы Томасов алдағы уақытта Қазақстан ұлттық құрамасының сапында өнер көрсетуді көздейді. Футболшы «Астанаға» дейін «Ан-Наср» (Сауд Арабиясы), «Мюнхен 1860» (Германия), «Риека», «Задар», «Хайдук» (барлығы – Хорватия) клубтарында доп тепкен.