Иммунолог вакцинадан кейін ағзада антиденелердің түзілмеу себебін түсіндірді
Иммунолог вакцинадан кейін ағзада антиденелердің түзілмеу себебін түсіндірді
Егер коронавирусқа қарсы вакцинациясынан кейін ағзада антиденелер түзілмесе, індеттің алдын-алудың қандай әдістерін қолдануға болады? Бұл сұраққа Sputnik радиосына берген сұхбатында Вирустық инфекциялардың алдын-алу және емдеу жөніндегі ғылыми ақпараттық орталықтың директоры, жұқпалы аурулар жөніндегі дәрігер, иммунолог-аллерголог Георгий Викулов жауап берді.
Дәрігер антиденелер вакцинациядан кейін бірден пайда бола бермейтінін, ал кейде олар тестілеу жүйесінің қателігі салдарынан анықталмайтынын ескертті. Сондықтан 2-4 аптадан кейін антиденелер түзілуінің динамикасын тағы бір рет тексеру керек. Олар кеш пайда болуы мүмкін немесе мүлдем түзілмеуі мүмкін.
"Адамдардың 10-20 пайызының ағзасында коронавирусқа қарсы антиденелер түзілмейді деген деректер бар. Әзірге бұл алдын-ала мәліметтер", - деді Викулов.
Оның айтуынша, антиденелердің түзілу процесі, олардың пайда болу уақыты және ағзаның иммундық реакциясының сипаты әр жағдайда ескерілуі керек көптеген факторлармен алдын-ала анықталған. Мұны тек маман жасай алады.
"Талдауларды адамдар өз бетінше оқи алмайды. Мұнымен арнайы мамандар айналысады. Бұл, ең алдымен, инфекционист-дәрігер және вакцинацияны жүзеге асыратын иммунолог-аллерголог", – деп түсіндірді Г.Викулов.