Таразда жезөкшелікті ұйымдастырып келген «жеңгетай» ұсталды

Таразда жезөкшелікті ұйымдастырып келген «жеңгетай» ұсталды

Таразда жезөкшелікті ұйымдастырып келген «жеңгетай» ұсталды
ашық дереккөзі
Жамбылдық полицейлер жезөкшелікпен айналысуға арналған притонды анықтады. «Стоп трафик» жедел алдын алу іс-шарасының бірінші күні Тараздағы Исатай батыр көшесіндегі сауықтыру кешенінде полиция қызметкерлері жезөкшелікпен айналысу үшін притон ұйымдастырып келген 48 жастағы әйелді ұстады. Бұл дерекке қатысты ҚР ҚК 309-бабы 1-бөлігі (жезөкшелікпен айналысуға арналған притонды ұйымдастыру немесе ұстау және жеңгетайлық) бойынша сотқа дейінгі тергеу амалдары басталды. Ұсталған азаматша кінәсін мойындады. «Сондай-ақ, ҚР ӘҚБтК 449-бабы 1-бөлігі бойынша әкімшілік жауапкершілікке тартылды, ҚР ӘҚБтК-нің 450-бабы 1-бөлігі бойынша әкімшілік құқық бұзушылық анықталды», – делінген облыстық полиция департаментінің хабарламасында. Профилактикалық есепке «сутенер» санаты бойынша 2 адам және жезөкшелікпен айналысқаны үшін 5 әйел қойылды. Профилактикалық іс-шаралар жалғасуда.