Нұр-Сұлтан әуежайы қайта ашылды

Нұрсұлтан Назарбаев әуежайы жұмысын қайта бастады, – деп хабарлайды әуежайдың баспасөз қызметі.

«Нұрсұлтан Назарбаев әуежайы жұмысын қайта бастады. Елордалық әуе айлағы қауіпсіздікті қамтамасыз ету үшін қолдан келгеннің бәрін жасап жатқандықтан, түсіністікке үміттенеміз. Ұшу-қону жолағы ашық, бірақ сегіз рейс кешігеді. Ұшу кестесі біртіндеп қалыпқа келеді. Рейстер туралы ақпаратты әуекомпания Call-орталықтарында, әуежай анықтама орнында және әлеуметтік желілерде нақтылауды сұраймыз», – деп хабарлады әуежайдың баспасөз хатшысы Әнуар Шалекенов

Бұған дейін Нұр-Сұлтан әуежайында 9 рейс кешігіп, 6 рейс тоқтатылған болатын. Ауа райының қолайсыздығына байланысты ұшу-қону жолағы түнгі сағат үшке дейін жабылды.

Back to top button