Асқар Мамин Мәскеуде Ресей премьері Михаил Мишустинмен келіссөз өткізді
"Спутник V" ресейлік вакцинасының 4 миллион дозасын Қазақстанға қосымша жеткізу туралы уағдаластыққа қол жеткізілді", - делінген хабарламада."Вирустың таралуын жеңу үшін біздің елдеріміздің күш-жігерін, оның ішінде халықты жаппай вакциналау мәселелерінде үйлестірудің жоғары деңгейі қажет", - деп келтірді Асқар Маминнің сөзін баспасөз қызметі. Үкімет басшылары, сонымен қатар, сауда-экономикалық, қаржы-инвестициялық, энергетика және ғарыш салаларындағы Қазақстан-Ресей ынтымақтастығын одан әрі арттыру мәселелерін талқылады. ЕАЭО форматындағы өзара іс-қимылдың өзекті мәселелері қаралды. Бұдан бөлек, осы жылдың екінші жартысында Көкшетауда өтетін "Экология және жасыл өсім саласындағы ынтымақтастық" тақырыбына арналған XVII Аймақаралық ынтымақтастық форумына дайындық мәселесі талқыланды. Айта кетсек, Қазақстанға 1 ақпан жаппай вакциналау басталардың алдында Ресейден "Спутник V" вакцинасы бірінші компонентінің 22 мың дозасы жеткізілді. Бүгінде препарат толығымен пайдаланылды.