Facebook әлеуметтік желісі Instagram-ның 13 жасқа дейінгі балаларға арналған нұсқасын әзірлеуде. Бұл туралы компанияның ішкі деректеріне сілтеме жасап Bloomberg хабарлады. "Біз Instagram-ға ата-аналар басқаратын жүйені енгізу жоспарлап отырмыз, ол арқылы балалар достарымен байланыста бола алады, жаңа хобби, қызығушылық таба алады", - делінген агенттік жариялаған Facebook өкілі Джо Осборнның мәлімдемесінде. Баламалы технология Facebook-тің өзінде де бар — Messenger Kids. Бұл хат алмасу қосымшасының жасөспірімдерге арналған нұсқасы. Онда ата-ана тарапынан бақылау бар. Айта кетейік, қазіргі уақытта Instagram пайдаланушыларының кемінде 13 жаста болуы талап етіледі.
Жүктелуде...