Тәуелсіздік күнтізбесі

1992 жылғы 24 наурызда еліміздің Венгрия және Куба Республикаларымен дипломатиялық қатынастар орнату туралы ноталар қабылданды.
1993 жылғы 25 наурызда Қазақстан Республикасы Еуропалық Даму және Қайта кұру Банкіне мүшелікке кірді.
1995 жылғы 24 наурызда Қазақстан халқы Ассамблеясы (ҚХА) сессиясы ашылды.
1997 жылғы 22 наурызда Қазақстан Президенті Н.Назарбаев Ұлыбританияға ресми сапары барысында Букингем сарайында Елизавета II патшайыммен кездесті.
2000 жылғы 22 наурызда Алматыда қазақтың тұңғыш инженері Мұхаметжан Тынышбаев тұрған үйге ескерткіш тақта орнатылды.
2004 жылғы 24 наурызда Астанада Еуразиялық қауымдастыққа мүше мемлекеттер премьер-министрлерінің басқосуы өтті. Қазақстан Үкіметінің басшысы Даниал Ахметов төрағалық еткен жиын барысында қауымдастық елдерінің интеграциялық әріптес- тік мәселелері, оның ішінде сауда-экономикалық, энергети- калық, әлеуметтік, басқа да салалардағы мәселелер талқыланды.
2012 жылғы 19 наурызда Мәскеуде Елбасы Нұрсұлтан Назарбаевтың қатысуымен ЕурАзЭҚ Мемлекетаралық кеңесінің және Еуразиялық Жоғары экономикалық кеңесінің мемлекет басшылары деңгейіндегі отырысы өтті.
2014 жылғы 25 наурызда Қазақстан мен АҚШ басшылары Нұрсұлтан Назарбаев пен Барак Обама ядролық қаруды таратпау және ядролық қауіпсіздікті нығайту саласындағы ынтымақтастық туралы бірлескен мәлімдеме жасады.
2015 жылғы 25 наурызда ЮНЕСКО-ның 70 жылдығына және алғашқы қазақстандық ЮНЕСКО клубының 10 жылдығына орайластырылған «ЮНЕСКО жолымен: Бейбітшілік. Өнер. Жастар» халықаралық коллоквиумы өтті.
2019 жылғы 19 наурызда Елбасы Нұрсұлтан Назарбаев ресми БАҚ арқылы Қазақстан Президенті ретіндегі өкілеттігін тоқтату жөнінде шешім қабылдағанын мәлімдеді.
2019 жылғы 20 наурызда Қасым-Жомарт Тоқаев Президент ретінде Қазақстан халқы алдында ант берді.