Túrkistan-عا سۇحبات بەرگەن كارىس قىزعا پرەزيدەنت العىس حات جولدادى

قازاقستان پرەزيدەنتى قاسىم-جومارت توقاەۆ حانگۋك شەت تىلدەر ۋنيۆەرسيتەتىنىڭ قىزمەتكەرى، قازاق-كارىس سوزدىگىن قۇراستىرۋعا كومەك سۇراعان كارىس قىزعا العىس حات جولدادى.

نۇراي دەگەن ەكىنشى ەسىمى بار يون سونعا پرەزيدەنتتىڭ العىس حاتىن قازاقستاننىڭ كورەيا رەسپۋبليكاسىنداعى ەلشىسى باقىت دۇيسەنباەۆ تابىس ەتتى. سونىمەن قاتار، اتالعان ءىس-شاراعا حانگۋك شەت تىلدەرى ۋنيۆەرسيتەتىنىڭ ۆيتسە-پرەزيدەنتى شين جوڭ حۋان مەن سەۋلدە يون سونعا قازاق ءتىلىن ۇيرەتكەن پروفەسسور ءاليا قۇرىشجان قاتىستى.

Túrkistan-عا سۇحبات بەرگەن كارىس قىزعا پرەزيدەنت العىس حات جولدادى

العىس حاتتا «سەنىڭ «تۇركىستان» گازەتىندە جاريالانعان سۇحباتىڭدى ىقىلاسپەن وقىپ شىقتىم.  قازاق ءتىلىن جەتىك مەڭگەرىپ، وزگەلەرگە، اسىرەسە جاستارعا جاقسى ۇلگى كورسەتكەنىڭ ءۇشىن ريزاشىلىعىمدى بىلدىرەمىن. قازاق-كارىس سوزدىگىن ازىرلەۋ تۋرالى يگى باستاماڭمەن تانىسىپ، ەلىمىزدىڭ سىرتقى ىستەر ءمينيسترى مەن ءبىلىم جانە عىلىم مينيسترىنە تاپسىرمامدى بەردىم.

قازاق ءتىلىن ۇيرەتكەن ۇستازىڭ – ءاليا اپايىڭا دا سالەمىمدى جەتكىز.

الداعى ءاربىر ىسىڭە ساتتىلىك تىلەيمىن.

تالابىڭا نۇر جاۋسىن، نۇراي!»، – دەلىنگەن.

ەستەرىڭىزگە سالا كەتەيىك، Túrkistan گازەتىنىڭ 2021 جىلعى 18 اقپان كۇنگى سانىندا (№07) «قازاق-كارىس سوزدىگىن قۇراستىرۋعا كومەكتەسەتىن مامان ىزدەيمىن» دەگەن تاقىرىپپەن حانگۋك شەت تىلدەر ۋنيۆەرسيتەتىنىڭ قىزمەتكەرى تسوي يون سوننىڭ سۇحباتى جاريالانعان بولاتىن.

ۇقساس جاڭالىقتار

Back to top button