Енді WhatsApp-тың компьютерлік нұсқасында бірнеше адаммен видео арқылы сөйлесуге болады

WhatsApp мессенджерінің компьютер арқылы қосылатын нұсқасында бірнеше адам видео және аудио байланыс арқылы сөйлесе алады, - деп хабарлайды Tech Crunch. Аудио және видео қоңыраулар шифрлау арқылы қорғалған, сондықтан WhatsApp оны оқи да, тыңдай да алмайды. Мессенджердің компьютерлік нұсқасы ңғайлы бола түсті, себебі енді қосымша альбомдық түрде де жұмыс істейді. "Бұл компьютер алдында көп уақыт өткізетін пайдаланушылар үшін өзара әрекеттесу процесін ыңғайлы етеді. Сондай-ақ, әріптестеріңізбен жұмыс істеу жеңіл бола түседі, үлкен экранда отбасыңызды анық көруге мүмкіндік болады және пайдаланушыларға сөйлесу кезінде бөлмеде еркін жүруге мүмкіндік береді", - деді WhatsApp өкілі блогында.