ҚР Парламент Мәжілісінің бүгінгі отырысы барысында депутат Ирина Смирнова білім беру саласын қаржыландыру мәселесін көтеріп, қазақстандық мұғалімдердің жалақысы тым аз екенін жеткізді. Халық қалаулысы соның бәрін депутаттық сауалда көрсетіп, оны Үкімет басшысының атына жолдады, деп xабарлайды Baq.kz тілшісі.
Депутаттың айтуынша, бүгінде Дания, Исландия және тағы басқа Еуропа мемлекеттерінде білім беру саласын қаржыландыру көлемі ішкі жалпы өнімге шаққанда 6-9 пайызды құрап отыр. Соның нәтижесінде Германия сияқты елде мұғалімдердің жалақысы 4 мың еуроға дейін жетеді. Көрші Қытайда мектеп мұғалімдері, кем дегенде, 1 мың АҚШ долларын алады.
"Бізде болса, мұғалімдердің еңбекақысы 40-50 мың теңгені құрайды. Класс жетекшілігі үшін 5-ақ мың қосады. Ондай жүйемен білім беру саласын дамыту қиын. Қазақстан да білім беру саласын қаржыландыру көлемін ішкі жалпы өнімге шаққанда 6-9 пайызға дейін жеткізуі тиіс", - дейді депутат Смирнова. Расында, мектеп мұғалімдерінің мектеп қағаздарын қолы тимей отырады. Сағат саны бойынша төленетін ақы - ұстаздардың сол сабақты өткізуге дайындалған уақыты мен көрнекі кқұралдарын дайындауға кеткен уақытына төленбейді. Яғни, мұғалімнің сабақ өткізуге дайындалатын уақыты ескерусіз қалады. Білім беру саласының мамандары - басты міндеті оқыту болғандықтан, басқа ештеңеге алаңдамауы тиіс дейді психологтар.
Айта кетейік, бүгінгі отырыста депутат З.Балиева "көбелек" пен "xрустальды" балалардың проблемасын көтерді. Оның айтуынша, бүгінде ондай балаларды емдеуге қажетті ем-дом мемлекеттік реестрге кірмейді. Соның салдарынан олардың ата-атаналары шетелге барып, қыруар шығын шығаруға мәжбүр.
Мәжіліс депутаты: Мұғалімдердің айлығын 1 мың долларға көбейту қажет
Мәжіліс депутаты: Мұғалімдердің айлығын 1 мың долларға көбейту қажет
