Нұрсұлтан Назарбаев Михаил Горбачевті мерейтойымен құттықтады

ҚР Тұңғыш Президенті – Елбасы Нұрсұлтан Назарбаев Михаил Горбачевті 90 жас мерейтойымен құттықтады. Бұл туралы Қазақстанның Ресейдегі елшілігінің Instagram-дағы парақшасында хабарланды. 

Құттықтауда КСРО Тұңғыш президентінің барлық жарқын мемлекеттік қызметі зор құрметке лайық екендігі атап өтілген.

«Сіз әлем тарихына елеулі әсер еткен үлкен өзгерістердің бастамашысы болдыңыз. Мерейтойыңызды қуатты күш-жігермен қарсы алғаныңыз, қоғамға қажетті гуманитарлық және ағарту істерімен белсене айналысып жүргеніңіз қуантады. Арамыздағы достық қарым-қатынасты жоғары бағалаймын», – делінген құттықтауда.

Сөз соңында Нұрсұлтан Назарбаев Михаил Горбачевке мықты денсаулық, ұзақ өмір, бақ-береке тіледі.

 

 

Посмотреть эту публикацию в Instagram

 

Публикация от Посольство Казахстана в России (@kazembassy_ru)

Back to top button