الماتىدا روزا باعلانوۆاعا ەسكەرتكىش قويىلادى

الماتى قالاسى مادەنيەت باسقارماسىنىڭ حابارلاۋىنشا، قابانباي باتىر كوشەسىنىڭ وڭتۇستىك بولىگى مەن بايسەيىتوۆا كوشەسىنىڭ شىعىس جاعىندا روزا باعلانوۆانىڭ قۇرمەتىنە ەسكەرتكىش ورناتىلادى.

«12 ناۋرىزعا دەيىن روزا تاجىبايقىزى باعلانوۆاعا ارنالعان ەڭ جاقسى ەسكەرتكىشتىڭ جوباسىن جاساۋعا اشىق كونكۋرس جاريالاندى. قازىرگى ۋاقىتتا مونۋمەنتالدى ونەردىڭ قۇرۋ پروتسەسى ءجۇرىپ جاتقان سوڭ، بيۋدجەت 2021 جىلدىڭ ەكىنشى جارتىسىندا قارالاتىن بولادى. ازىرگە ەسكەرتكىش سالۋعا قانشا قاراجات جۇمسالاتىنى بەلگىسىز»، – دەدى باسقارمادان.

روزا باعلانوۆا – كەڭەستىك، قازاقستاندىق وپەرا جانە ەسترادا ءانشىسى. كسرو حالىق ءارتىسى. قازاقستاننىڭ حالىق قاھارمانى.

ۇقساس جاڭالىقتار

Back to top button