Байқоңырдан Ресейдің құпия құрылғылары ұрланды

Белгісіз біреулер Байқоңыр ғарыш айлағынан Ресейдің құпия электроникасын ұрлап кеткен. Бұл туралы  «112» Telegram-арнасына сілтеме жасап Lenta.ru хабарлады. 

Арнаның мәліметінше, 1988 жылы «Буран» ғарыш кемесімен бірге «Энергия» зымыран-тасығышы ұшырылған №110 алаңда орналасқан жабдық қолды болған. Баукеспелер сондағы нысандардың біріне бұзып кіріп, радиоқұрылғылардың бірін ұрлаған.

Қолды болған жабдық жерүсті ғарыш инфрақұрылымы объектілерін пайдалану орталығының («ЦЭНКИ») меншігінде болған. Тікенді сымы бар бетон бағаналармен қоршалған алаңды күзетумен осы ұйымның ведомстволық күзеті айналысады. Сонымен қатар, аталған нысанды сыртынан Мәскеу облысының полиция қызметкерлері күзетеді.

Белгілі болғандай, аумаққа бұзып кіру дерегін нысанды күзететін топтың бастығы 19 ақпанда анықтаған. Ресейдің Тергеу комитеті ұрлық болған оқиға бойынша қылмыстық іс қозғады.

Back to top button