Атырау дәрігерлері Алғыс айту күніне орай челлендж бастады

«Мерекелік шараға өңірдегі 35 медициналық ұйымның қызметкерлері қатысты»,-деп хабарлайды Атырау облыстық денсаулық сақтау басқармасының баспасөз қызметі.

«Туған елге мың алғыс!» челленджі өңірде бір апта бұрын басталды. 35 медициналық мекеменің ұжымдары жеті күн ішінде бір-біріне бейне-эстафета беріп, туған еліне, қазақстандықтарға және ақ халатты абзал жандарға алғыс білдірді.

Акция ҚР Тәуелсіздігінің 30 жылдығы мен Алғыс айту күні аясында өтіп, бүгін, 1 наурызда аяқталады.

«Осы тамаша күні пандемия кезінде жанқиярлықпен өз борыштарын атқарып, жақындарымыз бен туыстарымыздың өмірін құтқарып қалған әріптестеріме үлкен алғысымды білдіргім келеді», – деді Атырау облыстық денсаулық сақтау басқармасының басшысы Асхан Байдуәлиев.

Back to top button