Шымкентте тойханаларды мектепке айналдыру ұсынылды
Шымкентте тойханаларды мектепке айналдыру ұсынылды
Шымкенттегі банкет залдары иелеріне жергілікті билік мектеп немесе кафе ретінде жұмыс істеуді ұсынды. Коронавирус пандемиясына байланысты көптеген ойын-сауық кешендері бір жылға жуық жұмыс істемейді.
"Атамекен" өңірлік кәсіпкерлер палатасының баспасөз қызметінің хабарлауынша, Шымкент қаласында сыйымдылығы 250 адамнан асатын 100-ге жуық салтанат залы бар. ТЖ енгізілгенге дейін әр тойханада айына орта есеппен 15 той өткізілетін. Бүгінде тойхана бизнесі 90% тоқырап тұр. Кәсіп иелеріне ғимаратты ұстап отыру да оңай болмай тұр, бұл үшін 1-ден 3.5 млн теңгеге дейін шығын кетеді. Сондай-ақ, көптеген тойхана иелерінің несиелік міндеттемелер бар, деп атап өтті "Атамекен" палатасы.