Ғалым қатерлі ісіктен қорғайтын өнімдерді атады

Бірқатар өнімдерде канцерогендер – қатерлі ісіктердің пайда болу жиілігін арттыруға қабілетті заттар бар. Олар тағамға қоршаған ортадан түседі немесе тамақты өңдеу кезінде пайда болады. Бұл туралы «Аргументы и факты» басылымына берген сұхбатында профессор, химия ғылымдарының докторы, «Интерлаб » компаниясының ғылыми кеңесшісі Яков Яшин айтты. 

«Сіз ет немесе ұн тағамдарын дайындап, өнімдерді 120 градустан жоғары қыздырған кезде, оларда канцерогенді заттардың екі түрі пайда бола бастайды. Олар біздің жасушаларымызда мутация тудырады және қатерлі ісіктің дамуына ықпал етеді», — деп түсіндірді маман.

Ғалым кез-келген ысталған өнімдерді (ет, балық, спраттар, ірімшік) тұтынуды азайтуға немесе олардан мүлдем бас тартуға шақырды, өйткені оларда полиароматикалық көмірсутектер, соның ішінде бензпирен пайда болады. Бұл тізімге нан, печенье, қытырлақ картоп және құрамында акриламид бар басқа да қуырылған және пісірілген өнімдер енеді.  Дәнді дақылдар, жержаңғақ, пістенің құрамында көп жағдайда  микотоксиндерден тұрады, деп ескертті Яшин.

«Бірақ, екінші жағынан, құрамында олардың әсерін тежейтін заттары бар көптеген өнімдер бар. Сондықтан мұндай өнімдерді тұтыну онкологиялық аурулардың пайда болуынан қорғайды. Өсімдік тағамдарындағы полифенолдар осындай қызмет атқаратынын көрсететін көптеген зерттеулер бар», – деді ол.

Дәрігер қатерлі ісіктің пайда болуына қарсы өнімдерге жасыл шай, какао, қызыл шарап, жемістер (әсіресе сары және қызғылт сары), жидектер (әсіресе мүкжидек пен жүзім), пияз, куркума мен шөптер, зәйтүн майын жатқызды. Сондай-ақ, қызанақ, қызыл балық пен уылдырық, асшаяндар, балдырлар, соя, қыша, қырыққабат (әсіресе брокколи), зығыр, қара бидай мен асқабақтың құрамында да онкологиялық аурулардың алдын алуға көмектесетін полиферондар бар.

Back to top button