Бір адам ауыр жаралы: 95 жастағы қария қарттар үйінде атыс ұйымдастырды

АҚШ-та 95 жастағы ер адам қарттар үйіндеатыс ұйымдастырып, мекеме қызметкерлерінің бірін қатты жарақаттады. Полиция американдықты ұстады, оның бұл әрекетінің себептері зерттелуде, деп хабарлайды Denver Channel.  Тәртіп сақшыларының айтуынша, оқиға 3 ақпанда таңертең Колорадо штатының астанасы Денверден 35 шақырым жерде орналасқан Лафайет қаласында болған. Шабуылшы кішкентай тапаншаны пайдаланып, тек бір рет оқ атқаны атап өтілді. Оның әрекеттерінің себептері анықталған жоқ. Полиция қылмыс орнына келгенде ер адам өз бөлмесінде болған. Қария ұстау кезінде қарсылық көрсетпеген. Ал жарақат алған қарттар үйінің қызметкері ауыр жағдайда ауруханаға жеткізілді. Күдіктіге әлі айып тағылған жоқ.