Тәуелсіздіктің 30 жылдығына орай патриоттық клип түсірілді (видео)

ҚР Еңбек сіңірген қайраткері Арайлым Рахымқызы ел тәуелсіздігінің 30 жылдығына орай  «Қазақстан жастары» атты патриоттық әнге бейнеклип түсіріп, егемендік тойына тарту жасады.

«Қазақстан жастары»  атты әннің  композиторы – Мәдениет қайраткері, Шолпан Қорғанбек, сөзін жазған – ақын, Қазақстанның еңбек сіңірген қайраткері, Халықаралық «Алаш» әдеби сыйлығының лауреаты Серік Тұрғынбеков.

Арайлым Рахымқызы, Нұр-Сұлтан қаласы әкімдігінің Мемлекеттік академиялық филармониясының әншісі:

– Айбыны асқақ, мақсаты айқын, ер жүректі, сом білекті қазақ жастары – еліміздің ертеңі. Намысын найзасына қайраған, ақылмен арын ойлаған ер ұрпағымызбен мақтанамыз! Патриоттық туындыда Гиннестің рекордтар кітабына енген «Қорқыт» этно ансамблі, республикалық конкурстардың лауреаты Аlem эстрадалық би ансамблі және ҚР Ұлттық ұланының 5573 әскери бөлімінің өнерпаздары өнер көрсетті.

 

Back to top button